أم البنين - مكتوبة

القصيدة : ام البنين بهالاسم
الشاعر : الأديب جابر الكاظمي

الرادود : الحاج ملا باسم الكربلائی 

أم البنين بهالإسم بارينا سمّاها
شلون اربعة انطاها والفضل يرعاها
بهالطاهرة عندك عِلِم فاضت عطاياها
من بحر يمناها والفضل يرعاها
******
أم البنين الاربعة الوادم يسموها
لو بيهم يحلفوها لمَّن يقصدوها
منها الشِيَم متفرعة و الكل يعرفوها
توافي اليوافوها لمَّن يقصدوها
باب العطايا الواسعة لمَّن يجربوها
وفّاية يلقوها و تحفظ رعاياها
و الفضل يرعاها
******
باب الحوايج لو رِدِت تقصد وتنشدها
حاجتك متردها بحر الكرم يدها
و شما فضايل عَدَّدِت ماتقدر تعدها
ابشِر يا وافدها بحر الكرم يدها
و آنة عليها اتعَوَدِت بكل شدة اقصدها
القى الفرج عندها لو رِدِت أنخاها
و الفضل يرعاها
******
بحر العطايا و الكرم شرَّفها باريها
وفّاية تدريها حاجتك تقضيها
من غير حلفان و قَسَم لا تقسم عليها
بس تتجه ليها حاجتك تقضيها
فاز الذي بيها التزم يالملتزم بيها
اطلب و ناديها تخَيّْبَك حاشاها
و الفضل يرعاها
******
يوم الجِزى حدوده الدهر وبجوره محَّني
بشكوة اعتلت مني و ماخَيِّبَت ظني
عن قلبي زالت كل قهر من رِحِت متَّعني
بيها ارتفع وَنّي و ماخَيِّبَت ظني
وانقشعت غيوم الكِدَر وغاب الهضم عني
و همومي خلَّني أذكر ضحاياها
و الفضل يرعاها
******
أذكر ضحاياها و احِن و أبجي لمصيبتهم
و لوعة هضيمتهم مو سهلة غيبتهم
أربعة و أغلى مـن الجفن للشدة رادتهم
سهرت و ربَّتهم مو سهلة غيبتهم
أربعة وما ظل كل إبن أربعة و فقدتهم
شيطفي جمرتهم مستعرة بحشاها
و الفضل يرعاها
******
صبرت و أظن حتى الصبر مَل و جِزَع منها
و المِحَن صابنها ما فَتِّرَت وَنها
و اشظل بعد منها العمر تالي العمر لنها
هالوقت يجزنها مافَتِّرَت ونها
أربعة وكل واحد بدر و تغيبوا عنها
والحزن دوهنها مذهولة خلاّها
و الفضل يرعاها