إلهي الجان ماردن لبوا اليمه - مكتوبة

للشاعر : الأديب هيثم سعّودي الكربلائي

إلـهـي إنـجـان مـا ردن لـبـو اليمه
إخـذ روحـي بـغـيـابه الموت إلي رحمه
******
أنـا  مـن  اسـنـين أنادي و الدمع يجري
إلـهـي  ابـفـقد أبو اليمه انكسر ظهري
نحل جسمي اخلصت روحي و خلص صبري
إشـبـقه ابعمري شلي ابعمري إخذ عمري
تـدري  الـفـاقـد حـبيبه الموت ميهمه
******
إلـهـي و كـل شـخص من يفقد أحبابه
تـزوره  الـنـاس و اتـواسـيـه ابمصابه
و  تـذكـره ابـيوم ابو السجاد و اصوابه
لـجـن و الـدمـعـته اعله حسين سجابه
بـيـش  الـوادم  اتـواسـيـه و اتكلمه
******
شـيـقـلـي  ابـفقد ابو اليمه اليواسيني
أشـو  عـيـنـه بـغـيابه اتهل مثل عيني
يـبـو  الـيـمـه اشقطع ما بينك و بيني
يـبـو  الـيـمـه  عسن لا طالت اسنيني
يـبـو  الـيـمـه بـغيابك ماتت البسمه
******
بـغـيـابـك  مـاتت البسمه عله إشفافي
و حـمـلـت اهـموم هجرانك عله إجتافي
ويـن امـحـبـتـك يـا بـو قلب صافي
مـو كـافـي الـبـعـد يحسين مو كافي
أنـا  ابـفـرقـاك أعـمـه و تايه ابظلمه
******
أنـا ابـفـرقـاك لـيـلي ما طلع صبحه
أنـا  ابـفـرقـاك طـير و منكسر جنحه
أنـا  ابـفـرقـاك دلالـي انشعب جرحه
انـا  ابـفـرقـاك كـل ساعه انذبح ذبحه
و  كـل  سـاعـه أنلجم فوق الذبح لجمه
******
كـل سـاعـه أنـلـجم و اتطشر و ألتم
مـثـل  الـيـفقد ابكل ساعه خال و عم
يـمـن بُـعـدك خـنـاجر ناقعات إبسم
هـمـك مـا تـحـمـله القاع هذا الهم
و حـتـه الـقـاع مـعـنه البعد تفتهمه
******
تـمـوت  الـقـاع لـو ما شافت المطره
و يـمـوت الـطـيـر لو ما يرد للشجره
و حـق الـخـالـقـك يـا ظنوة الزهره
نـمـوت انـمـوت لـو ما نرد للحضره
تـرد  إرواحـنـه بـس روضـك انشمه
******
نـشـم  روضـك  صـدق يحسين تتكرر
أيـام الـجـزت الـمضت يمك يبو الأكبر
شـتـذكـر يـبـو الـسـجاد اشتذكر
الـمـواكـب ذيـك و ذاك المشعل اليفتر
والـنـاس الـتـجـيـك ابـحزن مهتمه
******
إلـك  جـنـه ابـمـواكـب حزن نتعنه
و بـيـارغـنـه تـرف و يضوي مشعلنه
و لـعـد بـابـك نـهـل دمـعاتنه ابونه
و  لـون طـبـيـنـه صحنه صرنه بالجنه
و مـحـلاهـا الـخـلـق بـالجنه ملتمه
******
مـحـلاهـا الـخـلـق مـلـتمه بالجنه
و تـلـطـم عـالـصدر و اتحن فرد حنه
و الـمـرحـوم حـمـزه ايـردد ابـونـه
إلـمـن هـالـشـمـوع و إلـمـن الحنه
و  يـا نـعـم الـشـعر من كاظم اينظمه
******
عـل الـمـر و الـحلو جنه و جنت يحسين
و لاجـن ويـن ذبـنـي الدهر عنك وين
و  هـذا الـلـي صـفـه يا ظنوة الطيبين
أصـبـحـنـه بـمـصابك نبجي لمصابين
جـرحـك  و الـبـعـد يحسين شيهظمه
******
هـظـم  و الله بـمـصابك نبجي عالغربه
و شـيـصـبـر الـغـريب الينكسر قلبه
صـدق  ألـطـم و عـيـني المرقدك تربه
صـدق  صـحـنـك  يغالي شوفته صعبه
صـدق  بـس بـالـحلم يتراوى الي رسمه
******
صـدق يـحـسين صرنه انزورك من ابعيد
صـدق  مـثـل الـيـتـيم الما تهنه ابعيد
صـدق  صـرنـه نـدق الإيد فوق الإيد
بـعـد  شـيـفـيد  يحسين العتب شيفيد
سـهـم دهـري رمـاني و ما خِطه سهمه
******
ابـسـهـم فـوق السهم يحسين عام ابعام
لا صـبـر الـيـفـيـد و لا جرح يلتام
مـثـل  حـال الـعـقـيله الغربه للشام
لا قـلـب الـيـهـيـد و لا عيوني اتنام
و  الـقـلـب  الـيـفـارق خِله شينيمه
******
كـل عـام الـيـمـر تـزداد مـحـنتنه
نـقـول ابـهـا الـسـنـه تنزال غربتنه
نـظـل  نـتـنـه و بـعد نتنه و بعد نتنه
و لـجـن يـحـسـيـن حتى الناس ملتنه
و  حـقـهـا  الـنـاس كلمن حاير ابهمه
******
مـلـتـنـه الـخـلـق يا بن علي حيدر
و نـتـحـمـل مـصايب و القلب يسعر
و  نـتـصـبـر يـبـو الـسجاد نتصبر
لـجـن نـنـخـاك لا تـنـسانه بالمحشر
تـره ابـلـيـاك مـحـد يـنمحي جرمه