الدهر آه الدهر باليسر مشاني - مكتوبة

 الشاعر : الأديب الحاج جابر الكاظمي

الـدهـر  آه الـدهـر باليسر مشاني     و  عـقـب  عـباس ويه الشمر وداني

عـيوني  امساهر الليل و أحاجي الروح     الـمـثلي اشلون للكوفه يسيره اتروح
گالـوا  لي  الصبر طبعه يداوي اجروح     قـلـت  بـس  آنه صبر القلب آذاني

لـيـالي  البيض  راحت ما أظنها اتعود      و مضت عني و شفت بالطف ليالي سود
اشـخـلت  بعد  عندي ضربة العامود      سـلـبـت عـزتـي و هدمت بنياني

راحـت  عـزتـي و الخدر و الحشمه      مـثـل الـمـاي مـن يـتبده شيلمه
أنـه زيـنـب و أم الـخـدر أتسمه      تـالـي الـدهـر أم الـحـزن سماني

لـمـن  صـاب عين القمر سهم البين      صـوبني  و سلب من عندي ضي العين
و  الـجـفـيـن آه يـا قطعة الجفين      هـي الـسـبـبـت لوعتي و أحزاني

لـو مـا يـنـفـقـد يم النهر عباس      مـا  جـان اطلعت مسبيه بين أرجاس
اعـليمن  أعتب  اعله الدنيه لو عالناس      لـو أعـتـب عـالـبـلغرب خلاني

مـا  شـافت  اعيوني اجسوم عالتربان      شـفت ابدور تزهي و قلت هاي أبدان
ابـلـهفة  قلب  جيت المصرع الوليان      كـواكـب شـاهـدت ظنيت ولياني

شـفـت  اهـلال طايح عالثره اموذر      حـيـن اقـربـت يمه لن علي الأكبر
جـم  ذوب  أظـل عـالآهات أتصبر      و  جـم  ذوب أطل أحمل ضيم عدواني

اعيوني  اعله  الرمال اتشوف نجم اسهيل      حـيـن اقـربت لن جسام دمه يسيل
اتـجسوم  الأهل زالت جن ظلام الليل      و  هـالـنـور اعله درب اليسر دلاني