الوداع - مكتوبة

قصيدة : الـــوداع   يـبـن   امــي   الــــوداع
الشاعر : المرحوم محمدرضا فتح الله الكربلائي
الرادود : الحاج ملا باسم الکربلائی

الـــوداع    يـبـن   امــي   الــــوداع
بــاجـر ابـقـى مـحـيـره .... والـخـيـم مـتـوجـره
الـــوداع   حـسـيـن   يـبـن   امــي   الــــوداع
******
ويـاك بـالـعز والكرم متوسده .... شلون بمصابك لون باجر سده
بـاجـر  عـليك العدا متحشده .... وانت وحدك بالمعارة ويه العدا
والـنـشـامـه عـلـى الـثـره .... والـخـيـم مـتـوجره
الـــوداع   حـسـيـن   يـبـن   امــي   الــــوداع
******
خـلي خويه اليوم وقليبي استعر .... جن وصية خل ابوسه من النحر
كـلي  بيه شلون لو غاب الكمر .... والعلم مطروح يم شاطي النهر
كـمـر هـاشـم عـالـثـره .... والـخـيـم مـتـوجـره
الـــوداع   حـسـيـن   يـبـن   امــي   الــــوداع
******
هـاك لـقـلـيبي لعد قلبك درع .... خله خويه النوح ليه والدمع
كله شوف شلون باجر تنصرع .... كلي خويه الخيل تكسر جم ضلع
هــامــتـك مـتـطـبـره .... والـخـيـم مـتـوجـره
الـــوداع   حـسـيـن   يـبـن   امــي   الــــوداع
******
ارد انـاشـد هـالـمـسية الملك .... وين مثل مصابك بهاي الفلك
يـاهـو خوته على الثرى محد الك .... فيض دم النحر ياهو الغسلك
فــوك هــاي الــمـجـزره .... والـخـيـم مـتـوجـره
الـــوداع   حـسـيـن   يـبـن   امــي   الــــوداع
******
خـويـه يـالـبيك العوالم تغتدي .... ياهو عكبك يظل ليه مسندي
بـاجـر  ويه  الهم يخويه موعدي .... على الغبرة الجسم منك سيدي
وانــخـى عـودي حـيـدره .... والـخـيـم مـتـوجـره
الـــوداع   حـسـيـن   يـبـن   امــي   الــــوداع