قصيدة : انتَ شاعريتي
للشاعر : الأديب الحاج إيهاب المالكي
الرادود : الحاج ملا باسم الكربلائي
انتَ شاعريتي .. موقفي و هويتي
من يجيني عاشور .. تنولد قضيتي
إقبال النحر... ألقه النظر ... يرسم صور ... غرامي
و ألقه الألم ... رافع علم ... فوق القلم ... يـَ ظامي
تنولد قضيتي
******
جدم القصيدة إذا إلك يطوي المسافات
و تطيح دمعة ملحمة امن عيون الأبيات
يـَ حسين وياك الصور تترجم آهات
تبجي القوافي و ينكسر ظهر العبارات
قصتك عجيبة .. بالحزن غريبة ،
و ين ألقه احساس .. يشرح المصيبة
بيه جرح ... سيف و رمح ... من ينذبح ... إمامي
و ألقى الألم رافع علم فوق القلم يـَ ظامي
تنولد قضيتي
******
مرات أحاول بالشعر ألقى لي مطلع
من أكتب اسمك أسكت و أفكاري تخشع
يتقدم إحساسي إلك و عيوني ترجع
أتمنه أكتبك ثورة بس ما بيها مصرع
مصرعك عزائي .. دمعتي و دمائي ،
و آنا باقي يـَ حسين حزني كربلائي
جيش الحزن... لمّن أون ... يحتل وطن ... كلامي
و ألقى الألم رافع علم فوق القلم يـَ ظامي
تنولد قضيتي
******
بـِ أسلوب شعري حزنك يعلمني الأسلوب
كل وصف أختاره إلك بأوصافك يذوب
وزن القصيدة الـْ تنكتب نبضات القلوب
يـَ حسين أحس انتَ جرح بأوراقي مكتوب
موقفك رسمته .. بالشعر كتبته ،
و آنا شوقي وياك .. لسة ما وصفته
الله جعل ... باسمك أمل ... ما يشبه الأسامي
و ألقى الألم رافع علم فوق القلم يـَ ظامي
تنولد قضيتي
******
من يخلص إحساسي أجي لك آخذ إحساس
تنطيني و آنا سيدي واحد من الناس
تبتدي ترجع روح شعري و أسمع أنفاس
و بصحرا روحي الإمام خضرا و يخضر الياس
بالكتابة بالي .. ينشغل يـَ غالي ،
و انتَ وي الأشعار ..عايش بخيالي
من تنوصف ... آنا اعترف... شي يختلف ... هيامي
و ألقى الألم رافع علم فوق القلم يـَ ظامي
تنولد قضيتي
******
يـَ حسين أخلي بالقصيدة ع الحزن سور
أكتبها و أشعر من ورقتي ينبعث نور
تخلص و لكن آنا من أختمها معذور
حتى أرجع من جديد يرد لي عاشور
ألمح المنايا بـْ مطلع البداية .. خايف امن الأبيات توصل النهاية
حال القلب... كلش صعب... من يقترب... ختامي
و ألقى الألم رافع علم فوق القلم يـَ ظامي
تنولد قضيتي
play_arrow
play_arrow
play_arrow
play_arrow
play_arrow
play_arrow
تعليقات