انت نبراس الكرامه - مكتوبة

القصيدة : انت نبراس الكرامه
الشاعر : الأديب جابر الكاظمي

الرادود : الحاج ملا باسم الكربلائی

أنت نبراس الكرامة
بس الك تحلى الزعامة
هالصوت من قلب المحب يعتلي
للموت نهتف يا علي يا علي
******
نهواك يا أبا الحسن من عالم
التكوين و بسيرتك ماضين
بيعة وفا ياعلي نبايعك دنيا
ودين للعهد ما ناسين
هلدين بيك انعرف يالضارب
بسيفين يا طالع برمحين
تشهد بفضلك أُحُد و خندق
وصفين تشهد بدر و حنين
مانحك ربك وسامه
شافع بيوم الـقيامة
يالبيك ديجور الهضم ينجلي
للموت نهتف يا علي يا علي
******
لـولاك يا أبا الحسن دين
النبي ماجان يثبت بهلأركان
بنفسك يانفس النبي حاجج
أهل نجران بالشرف والإيمان
بسيفك ياسيف الوحي منتصر
على الطغيان يا محطم الأوثان
انت الأصل والفرع للشرع
والعرفان والكرم و الإحسان
دينك مثبت قِوامه
انت دستوره ونظامه
يا من ثنيت المحور الجاهلي
للموت نهتف يا علي يا علي
******
عُمَر بـن ود من نزل بالحومة
صال و جال تتراجف الأبطال
بس انت يا أبا الحسن قابلته
وبهلحال ماهمتك آجال
وبضربتك لابن ود لو جانت
على جبال عن الأرض تنزال
ضربـة عزم يا علي ترجحت
على الأعمال فلتسمع الأجيال
دينك بجفك زمامه
الخاصمك فاشل خصامه
يامن الحومة بصارمك تصطلي
للموت نهتف يا علي يا علي
******
و بيوم خيبر الك موقف
ياحامي الجار ما مثله موقف
صار من نزل مرحب هتف مرحب
أنا المغوار سيفي يتجادح نار
من سمع صوتك صحت آنة
علي الكرار مرحب شرد محتار
وإبليس غـشـه ورجع لجن
رجع منهار و بوجهة لِبَتّار
ضربتك ظلّت علامة
وبعد شتفيد الندامة
يامن لرب العرش حجة و ولي
للموت نهتف يا علي يا علي
******
رب العلا ياعلي بـهذا الاسم
سمّاك ويا النبي خاواك
مفتاح كنز العلم رب الجلالة
انطاك و تسلم بيمناك
يانور ذات الـقـدس لوما
شرف معناك ما دارت الأفلاك
واحنا على ذاك العهد نوالي
الذي والاك و نعادي من عاداك
والمحب صار التزامه
بالنبوة بالإمامة
تـقـديـس ذاتك بالبيان الجليل
للموت نهتف يا علي يا علي
******
كل العِوالم الك خضعت
يا ليث الغاب ياجوهر الأطياب
يـانـور ذاك الـوحي يا وسفة
بدرك غاب عن ناظر الأحباب
ومضمرات الحرب صاحن بصوت
مصاب صوابك شلون صواب
ياوسفة كل الوسِف عقبك
ياداحي الباب صار أظلم المحراب
عسعس الكون بظلامة
والقلب شاجر ظرامه
هيهات حزن البلقلب ينسلي
للموت نهتف يا علي يا علي
******
دمعة مناحة فاضت يابدر
التام بالحزن و الآلام
كهف اليتامى جنت وانفجعت
الأيتام من رحت ياضرغام
مصيوب دين النبي وانهضمت
الأحكام و اتيتم الإسلام
طاحت أركان الشرع يا من
رحت منضام وسفة العمر
مادام ياكهف كل اليتامى
سـيرتك عفة و شهامة
منهل مصابك بالجفن يغتلي
للموت نهتف يا علي يا علي