اوقف ياضعن بديار الاحباب - نعي - مكتوبة

الشاعر : واثق العيساوي

اوقف  يا  ضعن  بديار  الأحباب...أشم  ريحت  أبوي الفارقاني
ودوني  اعله  قبره  خل أحاجيه...و أقله الدمع من عقبك عِماني
شوف الحبل بويه اشسوه بالايد...صغيره اعله اليسر و الهم ولاني
من  يوم  الرحت  و امفارقه النوم...كون اوياك بالكوفه و عساني
من  غمّض  اعيونك  وقت  الوداع...بيه  و  بيك ما يرحم زماني
اقعد   بويه  جبت  الماي  وياي...انت  الترتوي  يالله  اروه  آني
عسه بالقصر بويه انحسفت القاع ...الرماك امن القصر رد و رماني
هم  مثلي  أشوف  ابأيدك  احبال ...عدوك لا رعاك و لا رعاني
صدق   يالغالي   بالشارع   يجروك...مثلما  بالحبل  ذاك  السباني
قليلي   يطوعه   اشصار   وياه...ملهوفه   عله  أخباره  و  أتاني
الأبو  يا  طوعه  و  بيه تحاميت...راح و راح خدري و ذاك أماني
يبويه  اخواني ضاعوا ووحدي ظليت...شجاني و ضيعتهم شجاني