بجمرة ألمنه نودع حرمنه عندج أمانه العايله ياكربلا - مكتوبة

 الشاعر : الأديب الحاج جابر الكاظمي

ابـجـمـرة ألـمـنـه .... انـودع حـرمنه
عـنـدج أمـانـه العايله .... يا كربله يا كربله
******
هـضم  و اموادع و غربه مواقف صعبه تتوصف
رجـال اتـودع الـعيله و مهج بالحسره تتلهف
ووقـف سبط النبي محني يطيل النظره لرض الطف
يـحـاجي كربله ايقلها يمن أعظم أرض و أشرف
لـفـيـنه ابقاعج الحره و علينه الغصص تتهدف
حـرم يـا كـربله عندج الدهر وياها ما أنصف
الـلـيـلـه  الأخـيـره ... حـيـرتها حيره
بـس الـمـدامـع هامله.... يا كربله يا كربله
******
إلـج  يـا كـربله أعرض وصايه انكتبت ابمدمع
و  لا شـك أرضج الحره أصيله و لو قلت تسمع
اخـوتـي  و أهلي و أنصاري إلهم تربتج مصرع
عـلـيـج  اجـسوم مرميه تظل و انحور تتقطع
مـحـن تـتـواتـر اعلينه و مدامع بالهضم تنبع
و بـعـد يـا كـربله حاله عليها الجبل يتصدع
مـن يـجـري دمـنـه ... تـسـعـر خيمنه
من  كل  قلب صوت اعتله.... يا كربله يا كربله
******
الـوصـيـه  الأول أرويـها و بقلبي لهيب النار
لـون  صـبح فجر باجر و بدت تتلامع الأشفار
أقـدم قـومي و أنصاري و إذا تستشهد الأنصار
ابـهـيده استقبلي الأجساد من توقع حمات الدار
و  عـقب أنصاري من يبرز شبيه المصطفه المختار
يـقـاع  الوفه ابهيده اوياه من تستوحده الأشرار
لـو  طـاح  لـكـبـر ... جـسـمـه تعفر
جـن  يـنصرع  سيد المله.... يا كربله يا كربله
******
و بـعـد عـندي وصيه اوياج من يبرز ابن عمه
أعـنـي  جـاسم العريس سليل الشرف و الهمه
ابـهـونـج يـا أرض ويـاه لمن ينصرع جسمه
و أخـوتـي كـل شهم منهم يرويج ابنزف دمه
جـثـث  و بـهيده لو طاحوا تراهم للبشر رحمه
و  كـل مـنـهم عله اترابج يسجل بالفخر اسمه
تـوقـع ضـحـايـه ... ابـحـجـر الـمنايه
ابـدم  الـنـحور امغسله.... يا كربله يا كربله
******
و  بـعـد يـا كـربله ابقاعج هالدنيه اشتراوينه
جـثـث  من  كل كتر صرعه ابسعير الهم يبارينه
و  يـظـل آخـر اويـاي أخـويه القمر تدرينه
يـطـيح اعله النهر دامي و تطيح ايساره و ايمينه
أروح  اعـلـه  النهر و القاه مصيوبه ابسهم عينه
و  أشـوفـن رايـته و جوده رميه ابكتره جفينه
بـدر  الـهـواشـم ... اتـوذره الـصـوارم
و الـجـثـه منه امفصله .... يا كربله يا كربله
******
و أخـبـرج يا ربوع الطف بعد آخر خبر عندي
عـقب  مصرع قمر هاشم أظل بين العده وحدي
و أصـد سبعين ألف فارس يسلحها الدهر ضدي
ايتصوب  بالحجر  راسي و يظل جرح الحجر يدي
و يـجـيـني سهم لمثلث و يقطع هالسهم جبدي
و أطيح امصوب و دامي و عله اترابج أحط خدي
جـبـدي  تـصـوب ... جـسـمي تخضب
و أتـرك حـرم مـتوجله.... يا كربله يا كربله
******
و  بـعـد يا كربله عندي وصيه اموشحه بالآلام
لـو  طـحنه عله اترابج ضحايه اموذره الأجسام
تـغـير اعله الخيم غارات اخيول العسكر الظلام
و يـشـبـون الخيم بنار و لا تبقه الحرمنه اخيام
وصـيـتـي اويـاج اسـمعيها لون شمل الفواطم
هـجـيـر الترب لا يلذع جذم للعيله و الأيتام
اشـتـحـمـل  رزايـه ... هـاي الـوصايه
ذمـه  و تـظـل متسجله.... يا كربله يا كربله