تنادي الزهراء حيدر حيدر - مكتوبة

إتــنـادي  الـزهـره  ...حـيـدر حـيـدر
إبــهـم  و حـسـره ...حـيـدر حـيـدر
******
هـاي  الـزهـره يـا حيدر تناديك إبدمع جاري
تـدري بـالـعـده هجمت يحيدر دخلت إبداري
و  سـطـرونـي عله إعيوني و شبت بالقلب ناري
و  قـوم  و جـرد الـبـتار يا حيدر و إخذ ثاري
آنــا الــحــره...حــيــدر حـيـدر
إتــنــادي الـزهـره...حـيـدر حـيـدر
******
تـدري  الباب آه الباب و على صدري من طبقوها
و ضلوعي يا علي الكرار و دشوف إشلون كسروها
إعـله باب الدار تسري النار و باب الوحي حرقوها
بـت  عـمك  رضيت إشلون و جدامك يضربوها
إبــهـاي الـسـطـره...حـيـدر حـيـدر
إتــنــادي الـزهـره...حـيـدر حـيـدر
******
صـحـت  إبصوت  و إتسمعه يا با الحسن إدركني
مـا مـنـك جـواب أسـمع و إنت تستمع وني
و جـف الـلـي قـلـع خيبر ما يقدر يدب عني
أتـعـجـب  يداحي  الباب و صبرك و الله عجبني
مــن  الــزمــره...حــيـدر  حـيـدر
إتــنــادي الـزهـره...حـيـدر حـيـدر