قصيدة : حزن روحچ وحي
للشاعر : علي السقاي
الرادود : الحاج ملا باسم الکربلائی
حزن روحج وحي والصبر الهام يابضعة علي ودمعة غديره
******
دنت نوق السبي لازم تروحين على الشاطئ الج نظره الاخيرة
تلت عينج عتب والمدمع ايموج غرق مني الخجل بدر العشيرة
رفيف الرايه بطل والهوى ينوح عباتج رفت وصارت سفيره
******
حزن روحج وحي والصبر الهام يابضعة علي ودمعة غديره
******
جبل لا مو جبل ويهده زلازال وقفتِ وحيريتي الدنيا حيرة
يقيدونج علي لمن يضربوج فاطم انتي وظلوعج كسيره
ولان ماكو فدك منج يسلبوه سلبوا خدرج ورحتي اسيره
******
حزن روحج وحي والصبر الهام يابضعة علي ودمعة غديره
******
يامن بين الهزيله ومحمل الضيم قطعتي الدرب من ديره لديره
تاجج ع الرمح يا اخت الحسين وانتي بموكب احزانج اميره
من المحمل نظرتي الراس مرفوع نطتحي اجبينج وصارت شعيره
******
حزن روحج وحي والصبر الهام يابضعة علي ودمعة غديره
******
سلام الله على الامج ياحوراء نزيف المجد خطيتي المسيره
بلسان الشقيقة صحتي بيزيد رعد ومجلسه يدمجم هديره
شفتي العود يضرب ثغر الحسين وعباس بعيونج يحجي غيره
******
حزن روحج وحي والصبر الهام يابضعة علي ودمعة غديره
******
يا اول مرة في عالم الثوار شلتي كربلاء بروح البصيره
ياثاني كفيل لضعن الاحزان قلبج بالبشر ماصح نظيره
ياثالث ثلاثه بصحف عاشور الزمن رتل اسم زينب ظميره
******
حزن روحج وحي والصبر الهام يابضعة علي ودمعة غديره
play_arrow
play_arrow
play_arrow
play_arrow
play_arrow
play_arrow
تعليقات