جدك الهادي تحير - مكتوبة

الشاعر : علي السقاي

جـدك الـهـادي... تـحـيـر تـحـير
إبـدمـعـتـه إيـنادي... يالأكبر يالأكبر
لـمن  تغمض هالعين...بعدك شيصبر حسين
إبـدمـعـتـه  إيـنـادي يـالأكـبـر
******
هـذا إنـت يـلـكـبر عالأرض مطروح
جـسـد  بالمصرع و يحمل طعن و إجروح
لـحـظـات  و إلـك جفن العمر مفتوح
إبـيـا لـحـظـه و تسلم للممات الروح
و جـن يـمـك حضر جدك حزين إينوح
دمـع  عـيـنه إويه دمك عالترب مسفوح
عـايـن الـجـدك... مـحـمـد مـحمد
يـا عـلـي يـمـك ...تـوسـد توسد
إبـنوح إيقلك وونين...بعدك شيصبر حسين
إبـدمـعـتـه  إيـنـادي يـالأكـبـر
******
شـبـيـهـك  يا  علي الأكبر حضر يمك
يـصـيـح إبـيـا قـلب أحمل ثقل همك
رسـول الله مـحـمـد طـاح يم جسمك
يـخـضـب شـيـبـتـه يالأكبر إبدمك
يـقـبـلـك  مـره مره إبنحرك إيشمك
لـقـاك إمـخـذم و مـا يـقدر إيضمك
عـيـنـه  مـره ...عـالـمخيم عالمخيم
و  مـره عـالـجـسم... التخذم التخذم
و  إيدور  عودك وين...بعدك شيصبر حسين
إبـدمـعـتـه  إيـنـادي يـالأكـبـر
******
ضـامـي و حـيـرت قـلب النبي جدك
و بـيـمـيـنـه مـن الكوثر روه جبدك
يـقـلـك  مـن تـغـمض العين شيردك
يـبـنـي و هـذي عـين النايبه إترصدك
و  أبـوك  حـسـين شنهو إيصبره إبفقدك
أسـمـعـه إيـصـيح عالدنيه العفه بعدك
الـوالـد الـلـي يـفقد إبنه... يفقد إبنه
حـالـتـه  لـتـظنها هينه... إتظنها هينه
إبروحك يفقد روحين...بعدك شيصبر حسين
إبـدمـعـتـه  إيـنـادي يـالأكـبـر
******
تـلـوج  بـآخـر الأنـفـاس عـالغبره
و  بـآخـر رمـق لـلـمـصطفه إتنظره
تـكـابـر  عـالألـم و بـراسك الطبره
و  مـا رايـد تـزيـده إعـله الدمع عبره
لـن  حـسـيـن إجـاك و قادته الحسره
وضـع  خـده  إعـله خدك و الدمع يجره
والـدك يـبـجي... و ينوحك و ينوحك
جـدك  إيـضـمد ...جروحك جروحك
و أتـحـير بين إثنين...بعدك شيصبر حسين
إبـدمـعـتـه  إيـنـادي يـالأكـبـر
******
إبـصـبـرك لـلـموادع ما غفت عينك
بـعـدهـا  لـن  سـكن يالأكبر أونينك
و حـال الـمـوت بـيـن الوالد و بينك
إبـحـزنـه إعـلـيك الله إيعينه و إيعينك
و  يـشـوفه الهادي ظل يمسح عله إجبينك
و  دمـعـه  إيـصـب مثل منبع شرايينك
أجـره  لـمـصـابـك... دموعه دموعه
أحـنـه  لـفـراقـك ...ضلوعه ضلوعه
يـالنالك  جف البين...بعدك شيصبر حسين
إبـدمـعـتـه  إيـنـادي يـالأكـبـر
******
حـيـن الـلـي يـالأكبر شاءت الأقدار
و  جـف  الـبـين أخذ من عندك الأعمار
ظـل إبـكـربـلـه إبـحزنه النبي المختار
إعـلـه حـال حسين هايم و بهمومه إحتار
يـشـوفـه  إسـتـسلمت  عيناه للأعبار
ثـلـث مـن عـزمه طاح إبمصرعه و إنهار
يـا  نـبـض قـلـبـه... و حياته حياته
قـربـت سـاعـة... مـمـاتـه مـماته
و الـصبر يجيبه إمنين...بعدك شيصبر حسين
إبـدمـعـتـه  إيـنـادي يـالأكـبـر