جمر الحزن - مكتوبة

قصیدة : راحت على جمر الحزن محمرة العين

الرادود : الحاج ملا قحطان البدیری

راحت على جمر الحزن محمرة العين...شيصبر اعيون الحسن شيصبر حسين
******
شيصبر اعيون الحسن ينعه اويه همه...يم نعش أمه فاطمه يحضنه و يشمه
و يمه الحسين المنفجع و ينادي أمه...بعدج عله الدنيه العفه وين السفر وين
******
و ساعه يشوف بحسرته اخته العقيله...يم نعش أمها فاطمه المدمع تسيله
و اتشوف أبوها المنفجع ذايب دليله...اوداع و كسر ضلع الطهر و اجروحه و البين
******
يحسين ودعها بألم و بعيون المصاب...هذا آخر اوداعك تره و من بعده الغياب
و هل الدمع يم القبر وي هل التراب...و ادفن الزهره بجمرتك و حسرات الونين