جيت وجبت الراية - مكتوبة

الشاعر : صفاء الدفّاعي الرميثي

جيت و جبت الرايه...عباس عباس
عندي اوياك احجايه...عباس عباس
تتوجه للنجف...تنطي كلمة شرف
باسم الشاطي و مايه...عباس عباس
******
آنه أمك...جيت أكلمك...جيت و جبت الرايه بإيدي يوليدي بهاليوم
خذها بيدك...بس اريدك...تتوجه يوليدي الحيدر و تؤدي المرسوم
مد يمينك...يالجبينك...من يعرق يعرق بس غيره يالزودك معلوم
و أدري عنك...هوه عندك...كلمه الوحدة الما تتغير وعدك ملزوم
وعدك ما يتغير...عباس عباس
حالف انت بحيدر...عباس عباس
و منهو المثلك حلف...تنطي كلمة شرف
باسم الشاطي و مايه...عباس عباس
******
يبني أخبرك...حته أذكرك...موقف بآخر لحظة الحيدر بفراش الآجال
و المواقف...مو سوالف...تتسجل يبني بتاريخك و التاريخ أفعال
عالوساده...وشفته ناده...يا عباس انت بهالليلة عنوانك كفّال
يا بو فاضل...انت كافل...حط جفك وي جف الحره و دمع الوالد سال
زينب هاي بصونك...عباس عباس
خلها ببين اعيونك...عباس عباس
مهما الوضع اختلف...تنطي كلمة شرف
باسم الشاطي و مايه...عباس عباس
******
ردتك آنه...الها الأمانة...تتحمل مسؤليتها و أعرف طبعك زين
من تسافر...يبني باجر...أول مسؤولية بذمتك تحرس ضعن حسين
و الوصية...هية هية...زينب لحظة بلحظة اوياها يبني و عين بعين
منها تسمع...يمها تركع...و اتهز براسك ما تحجي خادم و اتأمرين
اسمك خادم زينب...عباس عباس
بس اتنفذ المطلب...عباس عباس
و هذا البيك انعرف...تنطي كلمة شرف
باسم الشاطي و مايه...عباس عباس
******
بكربلائك...خل لواءك...يم خيمة زينب لو رفرف ترتاح الحوراء
يم عيالك...خلي بالك...حته لو صليت اذكرهم يبني بالأسماء
يم عضيدك...دوم أريدك...قوم اشتآمر خادم عندك يا ابن الزهراء
و كل حرمهم...انت يمهم...مادام العاشر ما صاير راقب بالأعداء
دورك قبل العاشر...عباس عباس
خيمه بخيمه اتناطر...عباس عباس
هوه هذا الهدف...تنطي كلمة شرف
باسم الشاطي و مايه...عباس عباس
******
ما أحلفك...يبني أعرفك...لو صار العاشر ما أقلك انت اعليك الماي
هيه كلمه...و المهمة...مكتوبة بإسمك يوليدي خصك الله بهاي
خذ جربتك...و امشي لختك...و اسمع زينب شوف اشعدها لا تخلف بالراي
و من إمامك...خذ حسامك...و اتوكل بالله اعله الشاطي و ارفع صيت الواي
لا تخلف بوعودك...عباس عباس
ماي الوجه بجودك...عباس عباس
بإسمك قلبي هتف...تنطي كلمة شرف
باسم الشاطي و مايه...عباس عباس
******
هذا يومك...يالخصومك...خليهم يتمنوا الموت و لا ضربة يمناك
يم فراتك...خل صلاتك...و اتيمم بس لا تتوضه إخذ الماي اوياك
لو لمسته...بيدك انته...دب اجفوفك فوق الغبرة و غطيهن بلواك
لو نظرته...و مره شفته...كفّارتها بدم و نبله تنطيهن عيناك
لا تبخل بجفوفك...عباس عباس
خل تتباهه اتشوفك...عباس عباس
منك لو دم نزف...تنطي كلمة شرف
باسم الشاطي و مايه...عباس عباس