ذبني الدهر يا جسام - مكتوبة

قصیدة : ذبـني الدهر يا جسام
الشاعر : الأديب الحاج جابر الكاظمي

الرادود : الحاج ملا باسم الكربلائي

يا العايش بوسط الروح ... يا ساكن اصبي عيني
كـلـما  يتهيني الضيم ... يم جسمك يلاگيني
ذبـني الدهر يا جسام ... گلبي انفطر يا جسام
******
صـحوة أجل يا جسام ... صار العمر ياوليدي
شفرت مصابك بالنوح ... ذبحت مسرت عيدي
و مـنـاثر اسهام البين ... أشقف رميهن بيدي
يـاولـيـدي ما غير الآه ... بفراگك يواسيني
******
مـا شفت گبلك عريس ... يتحنه من دم نحره
و أهـلـه و عمامه يزفوه ... بالنايحه و الحسره
عرسك يا سلوان الروح ... دوهني بالطف أمره
أنـحب و احن الفرگاك ... و آنه السقم باليني
******
يا  جاسم  اشلون اتغيب ... عن النواظر شمسك
و  اشلون صارت أحزان ... ليلة محافل عرسك
اصبي  عيني  مدفون اوياك ... وبنايباته ايحرسك
وآنه الصفت بنت الدوح ... تآخذ مرامي اونيني
******
هـيجّني يبني بفرگاك ... حزني و تمزگ صبري
عگبـك  تبلاني الضيم ... فرهد ملاحة عمري
سـلـمّني  جور الأيام ... يبني بضراوة دهري
بـعـدك  يـصبحني النوح ... والنايبه اتمسيني