ردونه لرض الوطن - مكتوبة

قصيدة : ردونـــه ردونـــه

للشاعر : الأديب الحاج جابر الكاظمي

الرادود : الحاج ملا باسم الكربلائی

ردونـــه ردونـــه      لـرض  الـوطـن ردونه
******
يـهـل  الـشيم ننخاكم      لـطـف  إجـينه اوياكم
يـمـشي الضعن بحماكم      و  انـتـوا الـلي جبتونه
******
يـهـلـي  اوياكم  جينه      و هـيـبـتـكم اتبارينه
و  الـكـربـلـه اتعنينه      ابـشـيـمتكم  اكفلتونه
******
شـنـهو  السبب يالوليان      عـفـتـونه ابين العدوان
هـالـعهد  منكم ما جان      شـنـهو  السبب  عفتونه
******
من  رحتوا  تدرون اشصار      سـلـبـونه قوم الاشرار
و الـخـيـم شبوها ابنار      و الـعـسـكـر اتولونه
******
مـن  خـيم  اعلينه الليل      خوف و عده و نار و خيل
و الـدمـع جمرات ايسيل      و الـقـوم مـا رحـمونه
******
رحـنه  و غصب عفناكم      عـالـغـبـره  خليناكم
و ردنـه الـوداع اوياكم      و الـقـوم مـا خـلونه
******
و مـن عقب عين الأكرام      بـس الـحـرم و الأيتام
لـلـكوفه رحنه و للشام      و  فـوق الـهزل ركبونه
******
يـمـكم رجعنه ابها اليوم      و  مـا بـين لكَبور انحوم
يـا هـلي و شيفيد اللوم      نـعـتـب  و  متسمعونه