روح الله وياك - مكتوبة

قصیدة : روح  الله ويـاك

الشاعر : علي السقاي

الرادود : الحاج ملا باسم الكربلائی

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
يـمـحـسـن ثـالـث الـحسنين إسمك
يـبـضـعـة فـاطـمـه و أمك تكلمك
إذا  عـمـري تـريـده الـعـمر أسلمك
لـجـن يـولـيـدي مـا راح أبـقه يمك
مـثـل  هـالـدنـيـه لـتصدق ترحمك
لـون  بـيـهـا رحـم جـا رحمت أمك
بـالـدنـيـه أولاد يـظـلمونه وظيفتهم
و شـمـا جره إمصاب أساسه من سقيفتهم
مـنهم  قلبي  مجروح ...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
إلـك خـل أحـجـي يـا آخـر بـنيني
إشـتـريـد  إبـدنـيـه  ما رحمت حنيني
بـعـدنـي  إبـزغـري و بـزهوة سنيني
الـضـلـع  مـتـكسر و لطمه إعله عيني
صـحـت  مـن  سـقـطوك إبكل ونيني
يـقـع قـلـبـي و لا يـوقـع جـنيني
مـن  فـكـرت بـيك قلت إسبقني للجنه
بـالـدنـيـه لـتـعيش يتيم و تكبر الونه
قـبـلي سلم الروح ...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
يـورده إنـقـطـعـت إبـيـن الرياحين
قـبـل مـيـلادك إتـعـنـى لـك البين
جـدل  خـل  نـفـترض لو عايش إسنين
الـدنـيـه  إتـراقـبـك  ما تغمض العين
مـصـيـرك  بـيـها  بس واحد من إثنين
لـو  مـثـل الـحـسـن لو مثل الحسين
لـو عـمـرك إيطول ييمه و ما متت بالسم
وي نـحـر الـحسين وريدك لا تظن يسلم
تـوقـع  يمه مذبوح ...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
و  بـالـطـف  لـو تـعـيش إتأدي بيعه
رخـيـص  الـدم  لـبـو الـيـمه تبيعه
قـبـلـمـا  جـثـتـك تـوقع صريعه
إبـدورك  تـكـفـل الـحـره الـوديعه
لـجـلـهـا إتـغـرق الـطف بالشريعه
و  تـالـي تـوقـع إجـفـوفـك قطيعه
خـل يـاخـذ الـدور أخوك الما بعد شفته
الـيـتـسـمه  عباس و هو اليتكفل بإخته
إبـعينه  الثارك إيلوح...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
أريـد إبـمـوتـتـك يـم عـتـبة الدار
أواسـي حـسـيـن حـيـن إبطفله يحتار
أشـوف  الـكـربـلـه بـعـيونك آثار
مـثـل عـبـدالله بـس الـنـبله مسمار
بـجـيـت  إعـلـه المصاب الما بعد صار
مـثـل  بـاب و خـيـم قلبي إشتعل نار
أبـجـي إعـلـه طفلين و لا يبرد جمر قلبي
مـن  هـاي  الأحزان أنوح و أشتكي الربي
أدعي و دمعي مسفوح...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
كـلـشـي  عـمـره يخلص حته لو طال
فـقـط وجـه الله بـاقـي إبحكم الآجال
إمـن أقـلـك روح مـو بس جلمه تنقال
أنـا أدري الـمـوت أرحـم كل الأحوال
إلا إيـكـون تـحـمـل سـبـي العيال
تـنـظـر  وقـفـت إخـتك بين الرجال
أرحـم  لـك الموت و لا تنظر وضع زينب
سـبـي و دواويـن شـماته و حره تتغرب
زينب  تبجي  و إتنوح...إسمع جلمتي و روح
الــدنـيـه مـا تـرحـم
*****

روح  الله ويـاك يـيـمـه الدنيه ما ترحم
بـالـدنـيـه  شـتـريـد إذا أولها تتيتم
مـا  كو غير الجروح...إسمع جلمتي و روح
الــدنـيـه مـا تـرحـم
*****
إبـسـكـوتـك  يبني صرت أسمع جوابك
أودعـك و الـمـهـد أصـبـح تـرابك
عـلـه  الـعـتـبـه إكتبت قصة عذابك
شـهـيـد  إبـروحـتـك  و الجنه بابك
يـمـحـسـن لا تـظـن هـيّن مصابك
أعـيـش أيـامـي مـتـلـهـفه بغيابك
بـس  بـاقـي  أيـام نـعـددها بمدامعنه
يـيـمـه و الـمـوت عقب فرقتنه يجمعنه
مـوعد  يكتبه  اللوح...إسمع جلمتي و روح
الــدنـيـه مـا تـرحـم