زينب والحسين - مكتوبة

قصيدة : زيـنـب والـحـسـيـن.... والـهـاشم بدر

للشاعر : المرحوم الشيخ كاظم منظور الكربلائي

الرادود : المرحوم الحاج ملا حمزة الصغیر الکربلائي

زيـنـب والـحـسـيـن.... والـهـاشم بدر
تـتـحـمـس بـجـمر الوصية..... هاي المسية
******
چـنـي بـحـسـين وعضيده طبوا لخدر العقيله
وكـل  فـرد مـنـهم بجمر الصبر يتحمس خليله
حـسـت  بـغـربـتها زينب صاحت بونّه ثجيله
حـيـاكـم  الله  ويا هلا...... يبدور أهلنه المجبله
وشـلـون الـموادع حله .....والدمع فجر مسيله
تـتـطـايـر  اسـهـام..... مـن گوس النصر
والـهـدف لـلـذوه الـعـليّه ..... هاي المسية
******
سـهـام گوس الـصبر صابت ضامر العالم العلوي
وصـوت نـايـبـة المصيبة بالأفلاك السبعه يدوي
وانـكـسـف  بدر  الحياة وگام نجم السعد يهوي
وتـفجرت عيون السمه....... والدمع يتفايض دمه
على حسين وعلى مخيمه .....والشهاده بچاس تروي
وتـبـرد لگلـوب..... مـن حـر الـجـمـر
وبـدر  لـفـراگ بخطر ضيه........ هاي المسية
******
وچنـي بـطـيـر الـمـنـاية يرفرف بجو المصيبه
ويگطـع احـبـال الـمواصل بين محبوب وحبيبه
وچنـي بگلـوب الأمـان مـلـوعه بجمرة الريبه
وچنـي  بـصناديد النزل..... يالعلي وحتى الطفل
دون الـنـزل خلصوا چتل.... وچني بزينب غريبه
وتـصـور الـروس..... عـلـى روس الـسمر
والـجـثـث  عـالـغـبره رميه.... هاي المسيه
******
وگف  سـيـر  الـفـكـر مني لاچن بحد المخيم
وصـاغـي  بسمع  العقيده وباكتشاف الحال مهتم
وشـفـت ريـحـانـة محمد وسمعت كلها إتكلم
وحـالـة  مـفـارج حالته..... تظهر معالم غربته
وزيـنـب  تـنوح الفرگته... والدمع منها يهل دم
صـاحـت يـعـبـاس..... يـا نـعـم الذخر
ودع الـرايـة الـهـاشـمـيـة..... هاي المسية
******
صـد  ابـو فـاضل لزينب نادى عد عيناج شوفي
كـون اضـحي لچ رگبتي واصخي بگطعة جفوفي
وسـهـم  المفارگ يصيبچ من يصيب السهم شوفي
يـمـودعـة عـقـد الوله ..... ويمخدره ويمدلله
لامـرچ  نـود نـتـمثله ... واليواعد كون يوفي
عـالـخـدر وحـمـاه.... مـايـغـيـره الأمر
نـامـي  بـرغـد يـالـفـاطميه... هاي المسيه
******
نـادتـه  أدريـك تـوفـي والوفه جوهر صفاتك
وراضـع بـثـدي الـمـوده والـموده ثمر ذاتك
خـدري وشـمـعـة حـياتي تزهر بشمعة حياتك
چنـي  أشـاهـد غربتي.... تمشي برفجكم يخوتي
يـاضـيـعتي  وياغربتي..... وچني أتصور خواتك
مـتگيـده أگيـاد .... بـحـبـال الـيـسـر
صـوبـنـي سـهـم الـغاضريه.... هاي المسيه
******
يـخـوتـي هـالـخـوه بيكم وبمواضيكم ترتب
وعگب هـذا الـنـور چني بيه اشوف النار تلهب
وچنـي بـالگوم ادهـشتنه ناس تحرگ ناس تنهب
بـهـاي الـحـرم متحيره..... چني غريبه ميسره
وانـتـم ضحايه على الثرى... وچني بسكنه يتيمه
والـحـرم  واطـفـال...... ظـلـت حـايره
والـحـرم واطـفـال الـمـسيه.... هاي المسيه