وحشه هالليله

قصيدة : وحشه هالليله مكتوبة

️للشاعر : السيد عبد الخالق المحنه

المناسبة : الليالي الفاطمية

حسينية الحاج داوود العاشور

وحشه هالليلة  علينه علينه علينه

راحت امنه من ادينه من ادينه من ادينه

*****

وحشه و السبعة هوت عالسبعة

وحشه و الدمعة تريد الدمعة

طاحت الخيمة برحيل البضعه

ونت ايتام اعله ضي الشمعه

موحشة و ظلمة المدينه المدينة المدينة

راحت امنه من ادينه من ادينه من ادينه

*****

راحت امنه و بيتنه ظل خالي

حتما الغالي يحن عالغالي

غيبة الأم يعني غيبة والي

بكل زوايا البيت تتراولي

وسفة وبلا ام بقينه بقينه بقينه

راحت امنه من ادينه من ادينه من ادينه

*****

يالفقدت امك حلم بعيونك

تحلم بكلمة ييمه شلونك

هيه صبرك بيمن يصبرونك

جبل يَذبل شايله اعله امتونك

يصعب فراق الحنينه الحنينة الحنينه

راحت امنه من ادينه من ادينه من ادينه

*****

كل شبر بالبيت تركت ذكره

صحره كاع الله بغياب الزهره

ننظر اعله الباب شفنه الكسرة

ننظر الحايط  نشوف العصرة

و الأخو نسمع ونينه ونينه ونينه

راحت امنه من ادينه من ادينه من ادينه

*****

راحت و راح الأمل وياها

هيه دنيه و ماتت ابدنياها

من حلكها الـ يا هلا شمحلاها

لو بدينه كلنه نمشي وياها

ما نوافي اشما بجينه بجينه بجينه

راحت امنه من ادينه من ادينه من ادينه

*****

امنه راحت للقبر مظلومة

و السمه موحش بلايه نجومه

لعنة الله اعله العصرها و قومه

نامت و كل الضماير نومه

للخلق جانت سفينه سفينه سفينه

راحت امنه من ادينه من ادينه من ادينه