شالوا جنازتها - مكتوبة

قصيدة : شالوا جنازتها
الشاعر️ : السيد عبدالخالق المحنة

الرادود : الحاج ملا باسم الكربلائی 

شالوا جنازتها ما حضروا اخوتها
تجرح مصيبتها هاي الغريبة
******
هاي الجنازة تنتظر خلوها
ليش الهواشم ما إجوا شالوها
أم المصايب للگبر ودوها
بحسرة بقت أخوتها ما دفنوها
گوموا نشيعها زينب نودعها
مسموعة ونتها هاي الغريبة
******
أكتب وصيتي يا خلگ خلوني
أنا الغريبة بكربلاء سلبوني
وين الكفلني خل يشوف متوني
أتمنى عباس اليغمض عيوني
كفالي وبن أمي شو ما إجو يمي
ونوا على ونتها هاي الغريبة
******
أنا الأسيرة الذبحوا خواني
آذاني وكتي والشمر آذاني
أم المصيبة الما إليَّ ثاني
أنا الغريبة و السبية أني
دار الزمن بية خلاني مسبية
خل تحچي قصتها هاي الغريبة
******
أنا الچنت ويا خوتي محشومة
تاليها عالتل واگفة و مهضومة
ليل و مخاطر و الهواشم نومة
وبن أمي عاري مسلبين هدومة
وخيامه حرگوهة ويتامة سحگوهة
نبچي على حسرتها هاي الغريبة