لطمية شد لثامه مكتوبة - ليلة العباس عليه السلام
الرادود محمد الجنامي
شد لثامه ... هز صمصامه
بالطف عيده و ايدگ بيده هامه ابهامه
هيبه و رايه ... منطي احچايه
طر الهيمه جاب الغيمه يم اخيامه
گمر ... يضوي شحلاته
گمر ... كافل خواته
يم اخيامه
امان .. الخيم وأهل الخيم كلها بأمانه
جمال .. إذا شلنه الگمر هوه ابمكانه
چبير .. حلف عالعلگمي يجره من اذانه
گمر فدوه لله ... العلم بيده صله
ملح للرجوله الوصل يمه فنه
اليگول آنه خاله ... رجف من خياله
شمرهم يگلهم دخيل الله منه
ريشه ابراسه ... وجيش أنفاسه
من طباها موت و جاها حي عباسه
خزرة عينه ... الموت ابعينه
عم الساده ذل القاده عسكر داسه
علي ... بأربع جهاته
گمر ... كافل خواته
يم اخيامه
شجاع .. درس بالجامعة بقسم البطوله
علي .. نطاه ميه و طلع بالطف قبوله
جيوش .. تولاها و شمر ذوله اعله ذوله
فزع ليها فزعه ... غنم بيها يرعه
ذبحهم عقيقه السلامة عضيده
بطل سيفه شاعر ... صعد عالمناحر
قراله قصيدة صورها جديده
كلشي ابكفيه ... هوه و سيفه
من يدناله و اليدناله يأخذ روحه
و الما طاعه ... يلوي اذراعه
نعم الوالي بيرغ عالي منهو يلوحه
جبل ... ماكو ابثباته
گمر ... كافل خواته
يم اخيامه
يناس .. الشمس لو باوعلها ابغيمه تلبد
شموخ .. حلو طوله النخل لو شافه تگعد
الفرات .. حچه وي الجرف احسلك اشرد
الاجه زلمه نشمي ... الشرد منه نشمي
الزلم كلها صاحت تعبنه يكافل
اليگول آنه و آنه ... يشبعه مهانه
العلم بيده و گله و نعم يبو فاضل
الرايه الخضره ... صارت حمره
دم غطاها بي تتباها و الطف شاهد
ثابت ما زل ... ما يتنازل
ملك الموته يحسب موته نازل صاعد
السمه ... تگول اشعلاته
گمر ... كافل خواته
يم اخيامه
نشوف .. عذاب ومن عذابه ماكو مهرب
بلاء .. دخيل الله اخو زينب تنگب
ثبات .. يسمونه ابن ابوه المنه يگرب
كفيل الوديعه ... وگف عالشريعه
و من خزرة الماي ركض عالمخيم
النهر بيده شاله ... العطش صفگاله
ابفقه گطع الرگاب يظل هوه إلاعلم
هوه إلاعلم ... و الچف زمزم
فدوه العينه عم اسكينه ما يتلاكه
شبت ناره ... شن الغاره
سمره ازنوده تحچي ابزوده كل عشاگه
النهر ... يحچي ابصفاته
گمر ... كافل خواته
يم اخيامه
الچفوف .. هون بس خضرن بالطف مناير
العلم .. ينادي ابگبته أهلا يزاير
كريم .. اليدگ بابه ابد ما يبقه حاير
الخلگ تحچي عنه ... جمال و محنه
يناس هذا عباس رجوله و مهابه
شارته بالايد ... اخذ منه شتريد
و علي ينسه همه اليروح اعله بابه
الخير ابابه ... الرحمه ابابه
كلشي ابابه و اتدگ بابه متظل حيره
كلها اتشوفه ... الطف بچفوفه
نهر الجنه يشرب منه زود و غيره
بگلب ... زينب غلاته
گمر ... كافل خواته
يم اخيامه
play_arrow
play_arrow
play_arrow
play_arrow
play_arrow
play_arrow
تعليقات