شيعتك ياكرار - مكتوبة

قصیدة : شيعتك يكرار أهل الحميه

الشاعر : السيد عبدالخالق المحنّه

الرادود : الحاج ملا باسم الكربلائی

شيعتك   يكرار   أهل   الحميه
عالعهد  ما  ينسون  سيد البريه
*****
تعشق   محمد  شيعة  الصميده
و  الما  يضيع  أمره  فلا  نريده
و  الشيعي  يدفع  للنبي وريده
إيد  النواصب  ما تصافح إيده
ما   نسينه  و  الله  ثار  الزجيه
*****
وصانه   طه   ما  نعوف  العتره
و   اللي  يوافيني  يحب  الزهره
و  الما  يبايع  حيدره  ما عذره
و إحنه إمتثلنه الطاعته ة الأمره
يا   نبينه   لبيك   حته   المنيه
*****
نفذنه  أمره  و هذي مو بيدينه
حيدر   خليفه  من  بعد  نبينه
إنطينه  كلمه  و إحنه ما نسينه
و  بهالسقيفه  و  الله ما رضينه
ما  نطخ  إلكم  راس يالناصبيه
*****
ما   نرضه  رابع  حيدر  إيخلونه
إنت  القلت أول علي إتنصبونه
إحنه الرفضنه و رافضه إيسمونه
حيدر  هوانه و ما نعيش إبدونه
أمتك   يالمختار   بس  رافضيه
*****
نشكر   محمد   رافضه  جعلنه
كلشي  رفضنه  و  بعلي قبلنه
لو  لا  علي  ما  ينقبل  عملنه
خلينه    بالله   رافضيه   خلنه
ما   يفيد   الترهيب   بالجعفريه
*****
أمرك يبو القاسم وجوب نطيعه
بس  العلي  بعدك  تصير البيعه
حيدر  شرفنه  و إحنه ما نبيعه
سمونه  من  هاي  البطوله شيعه
ننتظر   بالحساب  منك  هديه
*****
بايعنه   حيدر   و  إرتفع  لوانه
و   الما  يبايع  ما  يصير  إويانه
لو  هالزمن  بآخر  أرض خلانه
برض  النجف  و بكربله تلقانه
ريحتك    يالمختار    بالغاضريه
*****
ظلموا   محمد   من  بعد  غيابه
ما  ننسه  ثار  المحسن و مصابه
ما  ننسه ذاك اللي حرق له بابه
لازم    نجيبه   المحكمة   عذابه
هذا  حب  الزهراء أصبح هويه