قصیدة : شيعوها روحي الشيعوا نَعْشَه
الشاعر : الشاعر كرار حيدر الخفاجي
الرادود : الحاج ملا باسم الكربلائی
أصيح أصيح...شيعوها روحي الشيعوا نَعْشَه
أصيح أصيح...بدمع النظر صلّيت إله الْوَحْشَة
*****
من يموت الأب تصير الدنية سوده...مقبرة ايصبح البيت ابلا وجوده
هذا بوية العشت بالدنية اعله موده...ربي لو تاخذ حياتي لو تعوده
وداع وداع...حته الإله اهتز ركن عرشه
أصيح أصيح...بدمع النظر صلّيت إله الْوَحْشَة
*****
صدق من قال الأبو يا ناس خيمة...العنده أب خل يدعي من الله يديمه
راح من ايدي محمد يا هضيمه...الله يرضه فاطمه الزهرة يتيمة
أموت أموت...خلاني أبويه بحيرة و بدهشة
أصيح أصيح...بدمع النظر صلّيت إله الْوَحْشَة
*****
راح أبوية التارس البيت بضحكته...وسفه ذاك الطول بالتابوت شفته
علي من شال النعش مالت رقبته...صاح جن العرش فوق أجتافي شلته
أشوف أشوف...جنّاز أبوية ايعثر بالممشة
أصيح أصيح...بدمع النظر صلّيت إله الْوَحْشَة
*****
جان حيدر للنبي نفسه و عضيده...اشلون حيدر قدر يدفن نفسه بيده
من رجع للبيت و اتراب اعله جيده...رحت قلت له البقه براسك يالصميده
ينوح ينوح...حيدر يموت من القهر أخشه
أصيح أصيح...بدمع النظر صلّيت إله الْوَحْشَة
*****
فوق هضمي اعله الأبو و فقده و غيابه...الناس بس غاب النبي انقلبت ذيابه
و الصحابة بس اسم طلعوا صحابة...بالقلب كفروا بدين الله و كتابه
عجيب عجيب...ناس برداء الدين تتغشّه
أصيح أصيح...بدمع النظر صلّيت إله الْوَحْشَة
*****
يا محمد يالمشيت و فارقتنه...الناس عافت دين ربك من عفتنه
الناس باعتنه تره و ما بايعتنه...بعدك بنار و حطب للدار إجتنه
جروح جروح...طير الحزن وسط القلب عِشّه
أصيح أصيح...بدمع النظر صلّيت إله الْوَحْشَة
*****
بويه من الباب نار أحقاد تبدي...ينكسر ضلعي و أظل بالدار وحدي
أطلع و قنفذ يرد و يقلي ردي...بوية ترضه عبد يسطرني اعله خدي
قتيل قتيل...محسن و جثته القاع مفترشه
أصيح أصيح...بدمع النظر صلّيت إله الْوَحْشَة
play_arrow
play_arrow
play_arrow
play_arrow
play_arrow
play_arrow
تعليقات