صاحت وديعـة حيدر...يا بو الفضل يمشكر
هاك إخذ مني الرايه...وإخذ الفرات إو مايه
يا بو الفضل يمشكر
******
ألله من صيحتها...وينك يسبع الملعب
يمعذب الخياله
وإشگالت إبنخوتها...زينب تراني زينب
إو عيني تظل هماله
رد للحـرم لهفتها...گلب الرضيع إتعطب
إو سهم العطش چتاله
أدريك راعـي إمروّه...إو ما تصد عن الخوّه
وإبطلبتي إو منوايه...دخذ الفرات إو مايه
يا بو الفضل يمشكر
******
وإسمع صهيل الفُرّس...عالمشرعه إو لزمتها
ويد الحرايب عالي
إو جوّ المخاطر عسعس...خويه إو حلت ساعتها
ضحي إبدماك الغالي
إگلوب الحـرم تتحمس...إبنار الضمه إو جمرتها
وآنه إنفجع دلالي
خيل إو زلـم تتفازع...عالمشرعه إو تتجمع
شنهو الگصد والغايه...دخذ الفرات إو مايه
يا بو الفضل يمشكر
******
عينـاچ يختي إو عونچ...بن والدچ تدريني
لا أفزع إو لا أجزع
والگوم ليهمونچ...عن خدرچ إو عن ديني
إبروحي إو دماي أتبرع
وأفدي العمر ما دونچ...وأفديلچ إصبي عيني
وإچفوفي خل تتگطع
أدريك تفدي إوجودك...متگصر إبمجهودك
دون الخدر والثايه...دخذ الفرات إو مايه
يا بو الفضل يمشكر
******
وحسين ريـع أثماري...گلّك يخويه عني
بت والدك روحلها
ساعه إو ضعنّه ساري...والكربله متعني
خلها إتأهب خلها
إو منهو التعنه الـداري...إو دگ صدره وإتكفلني
والطلعتي إتمثلها
والمحملي شـديته...وإبرايتك غطيته
وبسمك حلـه مسرايه...دخذ الفرات إو مايه
يا بو الفضل يمشكر
******
جلت قدرتـه السجل...بإسمك فراسة عودك
يا درته المكنونه
والدرب كله إمكلل...راسي إبمحاسن زودك
وإمأمنه إو مامونه
إشما أحسب إو أتأمل...بألله ألأمل بوجودك
وإمدلـله إو مضمونه
إو ما تصـد عينك عني...إو ترعاني وإمدللني
إو ما گصرت ويايه...دخذ الفرات إو مايه
يا بو الفضل يمشكر
******
بالغاضريه إشمحلاك...من شيدت صيواني
إو بيدك ضربت أستاره
خـدر المحصن بحماك...ماله مثيل إو ثاني
إو لا عمرته العمّاره
بألله ألأمل وأرد أنخاك...يا جوهرة وجداني
سوي الحرمكم چاره
هاك إخـذ دمع إسكينه...إو رايتك يا والينه
إغزرها إعلـه لمسنايه...دخذ الفرات إو مايه
يا بو الفضل يمشكر
play_arrow
play_arrow
play_arrow
play_arrow
play_arrow
play_arrow
تعليقات