طفلة و فجعتونى - مكتوبة

قصيدة : طـفـلـة وفـجـعـتـونـي
الشاعر : الأدیب جابر الكاظمي

 الرادود : الحاج ملا باسم الكربلائي

طـفـلـة وفـجـعـتـونـي ** بـس عـيلة جيتوني
ويـن  الي  كفلوكم ** من يمي اخذوكم ** وبهيبة مشوكم
يــــوم الـــي عـــفـــتـــونـــي
******
عـودنـي ظـيـم الأيـام ** يـراويـني عتس الأحلام
وبــهــذا حــالــي ** قـضـيـت الـيـالـي
كـل لـيـلـة اقـضـيـهـا بعام ** وتحاوشتني الآلام
مــهــمــومـة تـالـي ** هـذا الـجـرى لـي
عـفـتـونـي بـيـن الاسقام ** قلبي على فرقتكم هام
ظـل بـيـتـي خـالـي ** مـنـهـو اعـتـنـى لي
رحـتـوا  بـضـعـيـنـة  اكرام ** رديتوا عيلة وايتام
وبـــلايــا والــي ** واعــرض ســؤالــي
بـالـشـهـقـة والـحـسـرة ** بـالـونـة والعبرة
بـدمـوعي أسألكم ** وين التكفلكم ** جهز ضعن الكم
ويـن اهـلـي حـاجـونـي ** يـوم الـي عـفـتوني
******
مـتـمـحـنـة  وفـكـري  احتار ** دلالي يتواقد نار
حـسـراتـي  تـظـهـر ** مـن مـهـجـة تـسعر
يـا  لـيـلـة شـنـهـو الي صار ** منج اريد الأخبار
شــنــهــو الـتـغـيـر ** بـالـحـالـة اثـر
جـيـت  بـنـحـيـب واعـبار ** وابنج شبيه المختار
راح وتــأخــر ** جــا ويــنــه الأكــبـر
وان جـان انـه خـالـي بالهدار ** من بعده هاي الانظار
كـل  لـيـلـة  تـسـهـر ** عـلـى الفرقة ما اقدر
لـن تـنـتـحـب لـيـلـة ** والـمـدمع تسيله **
قـالـت لي راح ابني ** عقبه الدهر ذبني ** ومصابه شيبني
وبـجـتـلـه هـضـمـونـي ** يـوم الـي عـفتوني
******
مـتـلـوعـة  وظـني  خاب ** ومصابي ما مثله مصاب
نـشـفـت دمـعـتـي ** بـجـمـرة حـسـرتـي
يـا رمـلـة دلالـي انـصاب ** حاجيني وانطيني جواب
بــجـاسـم طـلـعـتـي ** وحـدج رجـعـتـي
جـا ويـن ابـن عـمي الشاب ** ابن اثنعش عام وغاب
الــمــن ســهــرتـي ** الـمـن تـعـبـتـي
قـلـبـي عـلى جاسم مرتاب ** جن اشعرت قلبي ذاب
عـلـى مـن حـزنـتـي ** قـولـي اشـذكـرتـي
قـالـت  عـفـت جـاسـم ** فـوق الـتـرب نايم
اصـبح  وذر جسمه ** واتحنه من دمه ** لو ردت اظل يمه
مـا ظـن يـخـلـونـي ** يـوم الـي عـفـتـونـي
******
يـا  مـا  سـهـرت وونـيـت ** حن الصوافن حنيت
وحــشـة الـمـديـنـة ** صـارت عـلـيـنـه
لام  الـربـاب تـعـنـيـت ** يـا يمه صحت وناديت
عــبــد  الله  ويــنــه ** جـنـج حـزيـنـة
لـشـوفـت اخـويـه اشتاقيت ** وشقد نطرته وتانيت
قــلـبـي بـحـنـيـنـه ** تـفـجـر ونـيـنـه
مـن الـطـفـل خـالـي الـبيت ** يا يمه يل ما ظنيت
وحــدج تــجـيـنـه ** شـيـطـح بـديـنـه
قـالـت  يـا  هـالـطـفـلـة ** صـاب الطفل نبلة
شـاهـدته جدامي ** نحر الطفل دامي ** ابني انذبح ظامي
بـصـوابـه صـوبـونـي ** يـوم الـي عـفـتـوني
******
آلامـي مـا الـهـا حـدود ** يـشـهـد عليه المعبود
مـن الـعـلـة جـسـمـي ** بـجـم نـبـلة مرمي
يـا  سـكـنـة شـنهو المقصود ** يمتى القمر عمي يعود
حــســبـتـه  يـمـي ** جـا ويـنـه عـمـي
بـفـقـده  الـصـبر  ظل مفقود ** اتمنى لو رد لي ردود
بــفــراقــه هــضـمـي ** زاد ويـا هـمـي
راعـي  الـعـلـم  راعي الجود ** يا ريته حاضر موجود
ظـل جـفـنـي مـدمـي ** دمـعـاتـي تـهـمـي
سـكـنـة بـهـضـم ناحت ** بصوت الحزن صاحت
عـمـنه  القمر  وينه ** مقطوعة جفينه ** من صوبوا عينه
جـن صـابـوا عـيـونـي ** يـوم الـي عـفـتوني
******
لا  شـك حـزن قـلـبي يدوم ** ما يشفى جرح المالوم
جــم دوب اعــانــي ** هــضـمـة زمـانـي
زيـنـب  يـا  عـمـه بـكل يوم ** اذكر ابويه المظلوم
يــصــرخ لــســانـي ** غـاب ونـسـانـي
بـعـده  شـكـثـر شفت هموم ** ما طلعت بليل نجوم
اســهــر واتــالــي ** لــلـمـا اجـالـي
جـم  نـايـبـة  عـليه تحوم ** فوق الوجن تجري دموم
دمــعــة حــنــانــي ** مـحـد لـفـانـي
لـن عـمـتـي زيـنـب ** تـنـداي بـقلب ينحب
حسين انقطع نحره ** ظل جسمه علغبرة ** والهشموا صدره
مـسـبـيـة مـشـونـي ** يـوم الـي عـفـتـوني