قصيدة : عـالـمـشـرعـه الـعـبـاس صـاب الـسـهـم عينه
للشاعر : المرحوم الشيخ كاظم منظور الكربلائي
الرادود : الحاج ملا جلیل الکربلائي
عـالـمـشـرعـه الـعـبـاس صـاب الـسـهـم عينه
أحـا يـا سـهـم الـعـيـن...... وانـكسر ظهر حسين
وإحــنــه إنــگــطــع بــيــنــه
******
گابـلـت شاطي العلگمي وفجر دمعها..... واحنت ضلعها
يـاگمـر هـاشم مصرعك لختك فجعها..... وأحنت ضلعها
وصـرخـت وديعة فاطمه بصرخة فزعها.... وأحنت ضلعها
چتــال أخــوك حـسـيـن فـرهـد صـواويـنـه
الـسـهـم والـعـامـود.... گطـع چفـوف الـجـود
وإحــنــه إنــگــطــع بــيــنــه
******
عـبـاس تـذكـر سـاعة البيها اطلعتني...... وإنت كفلتني
مـاحـره مـثـلـي تـدلـلت يالدللتني.... وإنت كفلتني
مـكتوب لي سوط العده يطگني على متني..... وإنت كفلتني
شـوف الـزمـان شـلـون صـابـت نـيـاشـيـنـه
يـالـمـنـفـجـد شـوفـك....... وانگطعت چفوفك
وإحــنــه إنــگــطــع بــيــنــه
******
عـبـاس تـذكـر نـاگتـي من گلطتها..... وبيدك گدتها
فـوق الـحـريـر بـرايـتك من برگعتها..... وبيدك گدتها
وعـالـنـاگه تـذكـر يا عقيله الركبتها..... وبيدك گدتها
والــكـربـلـه بـحـمـاك يـاخـويـه طـبـيـنـه
مـاچنـت أظـن عـالـمـاي..... يـنـهـدم سور حماي
وإحــنــه إنــگــطــع بــيــنــه
******
عـبـاس فـاتـنـي ومضن بيض الليالي...... كل چاره مالي
وانـطـوه بـطـيحة رايتك عزي ودلالي..... كل چاره مالي
زيـنـب أنـا ومـاشافت الوادم خيالي...... كل چاره مالي
أصــفــن واحـاچي الـروح ويـن الـخـدر ويـنـه
نــادتــنـي خـدرچ راح.....طـاح الـمـوزم طـاح
وإحــنــه إنــگــطــع بــيــنــه
******
چنـي بـطريح العلگمي جسمه يتگلب..... صاح على زينب
عـتـبچ ضـهدني ولا تكثرين المعاتب..... صاح على زينب
سـبـيچ ونـيران الخيم بالگلب تلهب..... صاح على زينب
تــدريـن أخـوچ شـحـال مـا بـيـنچ وبـيـنـه
وانـه أدري بـيـك شـصـار.... مـخـك غـده طشار
وإحــنــه إنــگــطــع بــيــنــه
******
عـتبي يابوفاضل تره والنحب والنوح....... من لوجة الروح
حگ الـمعاتب عالعدل مو على المذبوح...... من لوجة الروح
وانه ادري بيك مگطع وعالشاطي مطروح..... من لوجة الروح
أعــتــب وريـد عـتـاب گلـبـي يـسـلـيـنـي
******
چم نـايـبـه الـمـاتـنـحمل شفت بزماني.... زينب ترابي
لاويـت دهـري ولاتـظـن دهـري لواني..... زينب تراني
سـهـم الـشـمـاتـه فگس عيوني وعماني.... زينب تراني
والــشــامـت بـهـالـيـوم عـمـرت دواويـنـه
play_arrow
play_arrow
play_arrow
play_arrow
play_arrow
play_arrow
تعليقات