عقب عزنا يا ابو سكينة صرنا نتستر بدينا - مكتوبة

قصیدة : عگب عـزنـه يـبو سكينه

 الرادود : الحاج ملا باسم الكربلائی

عگب عـزنـه يـبو سكينه.... صرنه نتستّر بدينه
فــرهــدونــه  أسِّـرونـه مـارعـونـه
************
ضاع عمري بفقد عمرك .... حته و لروحي سبوها
خـلـهـا  و الدمعة تخِبرك .... يا جناية الماجنوها
مـن  عـفت لعداك نحرك .... و الخيمنا حوِّطوها
داست  الخيل على صدرك.... و الاعادي وجِّروها
لاذت  يـتـيـمة بيتيمة .... صِرِت ليتاماك خيمة
اســتـوحـدونـه اسّـرونـه مـا رعـونـه
***********
حـال طفلة من المخيم.... خل أسولف خوية عنها
بـيـهـا  و النيران تضرم.... و اليطفي النار ونها
لـيـهـا بـن مسلم تقدم.... نادت بدمعة حزنها
آه  يـا شـيخ و بية تعلم .... و الفواطم آنة منها
تـقـلـه  أحـلفك و بنبينه.... انت منا لو علينه
الــحـاربـونـه يـسّـرونـه مـارعـونـه
**********
هـاي  حـالة طفلة جانت.... من يتامى الغاضرية
و  الـظعينة بينا سارت .... بلا ولي صبح و مسية
طـفلة  وسط الدرب تاهت.... ما دِرَت بيها البرية
لـيـك  و بـغربتها نادت.... قلي بوية شلون بية
عـالـرمح  راسك  نظرها.... جابوا الطفلة بأثرها
الــروِّعــونـه  يـسِّـرونـه مـارعـونـه
***********
تـنوح  طفلة  بالخرايب .... خوية نص الليل قامت
تـصيح  وين العود غايب.... ليها كل الحَرَم ناحت
قلي  ليها  شردأجاوب.... شوفتك يا حسين رادت
مـنـها  و الدلال ذايب .... ليك يالمذبوح شافت
حضنت  لراسك ولينه .... راحت الطفلة من ايدينه
و  افـجـعـونـه يـسِّـرونـه مـا رعـونـه
**********
مانشف  سكنة دمعها .... عليك و آنة عليها دمعي
غدت  شبه الروح ونها .... و اليِوِن بالغُرُب ضلعي
مدري اسولف من وضعها .... لو ابيِّن ليك وضعي
و  انـت حمّاها و درعها.... و أنت يالمذبوح درعي
طِـحِت  بأرض الغاضرية .... عقب عينك آل امية
ســلّــبـونـه يـسّـرونـه مـارعـونـه
*********
جـم  سـهـم  يـبن الزجية.... لاح بية تجرعيته
لاجـن  الاعـظـم عليه.... الذبح ليكم رافجيته
و  الـعـلـم  فوق الوطية .... و الكفلني ودعيته
انـهـدمت  الأكوان بية .... و العَمى لعيوني ريته
لا اشـوف بعيوني تالي.... و بطشت راسك يا غالي
يــضـربـونـه  يـسّـرونـه مـارعـونـه