علم على القاع - مكتوبة

الرادود : الحاج ملا باسم الكربلائي 

الــعــلـم  عـالگاع  يـا حـيـدر**يـبـويـة و مـنـك اتـعـذَّر
شــتــفــيــد  اعـذار** يـا حـامـي الـجـار** يـا حـيـدر
******
الـك تـاريخ ظل يشهد** يا داحي الباب**يا ليث الغاب** على الشدات تتودد
تـرجـف الموت من تحتد **يصل للصيف**بيمينك سيف** غليظة رقاب يتقصد
تـدوس الـمـوت تتعمد** يا أبو الحملات**الك صولات** تهز الموت من تشتد
و  أنـا الـعـبـاس عالمسند** حملت لواك**جهودك ذاك** رِدِت هاليوم تتجدد
رِدِت عــالـجـيـش يـتـكـرر** مـغـيـرك يـا بـطـل خـيـبـر
ســحــقــت  أخـطـار** يـا حـامـي الـجـار** يـا حـيـدر
******
الـعـهـد  وياك من ترحل **أظل وفاي**و أنا بدنياي** سوى المعروف ما أقبل
لَـوَن  دنـيـاي  تـتـبدَّل** أظل ملزوم**بعهد مرسوم **عهد بدماي يتسجل
بـعزم  شديت كل محمل** كفلت عيال**حَرَم و أطفال** و أنا المذخور و اتكفَّل
حـلـيف  الزود ما ينذل** صِحِت هاليوم**أخلي القوم** بدماها الخيل يتحجَّل
نــصـبـت خـيـام لـلـخـدَّر **بـقـيـت لـعـهـدك اتـذكََّـر
بــنــيــت أســتــار** يـا حـامـي الـجـار** يـا حـيـدر
******
أشـوف  جيوش  تتجمع** زِلِم و خيول**تريد تصول **على شاطي الماي تتوزَّع
يـا داحـي الباب لَن أسمع **نحيب و نوح**يفت الروح** بجي الأطفال و الرضَّع
عـلـى شربة ماي تتلوع** عطاشى قلوب**تِحِن و تلوب **عتبها يفيض بالمدمع
بـنـات  خـدور  تـتـروع** تصيح بصوت**لفانا الموت** مهجنا بنار تتلفَّع
أشـوف  قـلـوب تـتـفـطَّـر **ضـمـايـا و بـالـعـطـش تـسعر
عــلــى جــمــرة نـار** يـا حـامـي الـجـار **يـا حـيـدر
******
الـعطش  نيران تتلهَّب** اشتشوف العين**يا أبو الحسنين** مهج و أرواح تتعذَّب
أخـذت الـجود من زينب** قِصَدْت الماي**لواك وياي** يِرِف و يلوح عالمنكب
شـفـت فـرسـان تترقَّب** حشود الخيل**شبيه السيل** و هي لملقاي تتوثب
صِـحِـت  هيهات أتهيَّب** لَوَن آلاف**تسل أسياف** و أنا البالموت ما حسَّب
غــبـار  الـكـون يـتـنـثـر **يـا بـويـة و دارت الـعـسـكـر
بــنــبــل  و أشــفـار **يـا حـامـي الـجـار **يـا حـيـدر
******
غدت  هالقوم  تتحشَّم** فَزِع و صفوف**مِشهرة سيوف** على قتلي تريد تتوزم
و أنـا بـكـل حال ما أهتم** أنا العباس**دعيت الناس** عليها السيف يتحكم
صِرِت  عالماي  أتقدَّم **و هم يرمون**و أشوف الكون **بعجاج الخيل صار أظلم
بـثَـغـر عطشان اتبسَّم** تِرَسْت الجود**رجعت ردود** قصدت اطفال و مخيم
عـفـت  رضـعـان تـتـضـوَّر **يـا بـويـة و عـيـلـة تـتـنـطَّر
تــصــد  أنــظــار يــا **حــامـي الـجـار **يـا حـيـدر
******
عَـلَي  هالجيش ظل يلتف** اجتني حشود**دَرُب مسدود** عَلَي رميات تتهدَّف
رهـيف الجون ما أنصف** قِطَع يمناي**و قِطَع يسراي **و أنا على الجود اتلهَّف
العلم  طيحوه ويا الجف** جريت دموع**بقلب مفجوع **على هذا لواك اتأسف
بيمينك جان لو رفرف** يصب آجال**على الأبطال** وسافة يطيح بأرض الطف
أســيـل لـواك مـاأقـدر** قـطـيـعـة جـفـوفـي و اتـحـسَّـر
صِــرِت مــحــتــار **يــا حــامـي الـجـار **يـا حـيـدر
******
العلم من طاح من يدي** بدمع ناديت**صِحِت يا ريت **العُذر مقبول من عندي
بِـذَلـت عـلـيـه جَهدي** و أظن معذور**زمان الجور **عَتَب وياه مايجدي
وِسَف شيجيب شيودي** أمر محتوم**و أظل مهموم** على جفي الطاح من زَندي
يـا  بـوية  وياك كل عهدي **وفيته بهاي**لجن بحشاي** جرح جتال ظل يبدي
عـلـى الـرضـعـان اتـفـكَّـر **جـمـر بـحـشـاهـا يـتـوجَّـر
دريــت اشــصــار **يــا حــامــي الـجـار** يـا حـيـدر