قبرك جمعنا وللطف رجعنا - مكتوبة

قصیده : قبرك جمعنا و للطف رجعنا

الشاعر : الأديب الحاج جابر الكاظمي

الرادود : الحاج ملا باسم الکربلائی

قبرك جمعنا ... و للطف رجعنا نمشي على جمرة نار
يخويه صحنا ... زوارك احنا يالتكرم الزوار
لو عندك اجفوفك... تستقبل اضيوفك
******
رجعنا والنهر يا خويه من شفناه
كلما جرة عليك بكربله اذكرناه
و ذكرنة اليمين الطاح منة آلوه
و سهم العين يا بالفضل ما ننساه
و التنكطع منة يسرتة و يمناه
بيا مسند يكوم لضيفه يتلكاه
يخويه بامرك ...واجب نعذرك
يا فاجد الجفين
نحت اعله كبرك ...انحب و اخبرك
يلي ارخصتلي العين
خلي اختك تشوفك
تستقبل اضيوفك
******
مو كصدي اهيج بالعتب نارك
وجددلك كطع يمناك و يسارك
احنة وباليسر وصلتنة اخبارك
دفنوك وخفت بالكبر انوارك
لاجن جينة هذا اليوم خطارك
وجلنا عيلتك و صبحنا زوارك
يخويه وينك ..تتمنة عينك
ترجع الك و تشوف
لوعة جمرنا .. لكبرك حضرنا
نزور الكبر و نطوف
كعبة ومن نطوفة
تستقبل اضيوفك
******
جنت اسمع كبل تحجي وتكول الناس
لفراك الاخو يشيب الكلب و الراس
ولمن جربتهة عرفت يا عباس
حزن فكد الاخو بكل حزن ما ينقاس
يمن عايش بدمي و روحي و الانفاس
بس ما رحت راح الخدر و النوماس
نشدوني عنة .. ما جنت اضنة
فكد الاخو جتال
لمن عرفتة.. وبعيني شفتة
توضح الي هالحال
ونكتبت احروفة تستقبل اضيوفة
******
بعيني شفت دمك عالنهر يجري
جرت وياه دمعات وحجل صبري
مو بس انه حسيت بالم جرحي
و موبس انه وياك انفكد عمري
مو بس انه حسيت بالم كسري
وحتى حسين ناداك انكسر ظهري
للشدة ردك .. لاجن فكدك
وكت الشدد يا حيف
لتظن نسيتك.. و اليوم اجيتك
واحسبني عندك ضيف
يا روح التعوفك
تستقبل اضيوفك
******
كل ميت يحس و يشعر بكبرة
منهو الي يزورة ومنهو اليحضرة
اجت رملة وية ليلة تسجب العبرة
وسكنة وية رباب لكبرك اتنظرة
و انة يا كمر عدنان منتظرة
تجي الكبرك ويانة تحضر الزهرة
و الزهرة امي .. اتمنى يمي
تشاركني بالعبرات
للطف تجيني .. و تسمع ونيني
بالوعة و الاهات
متهمك حسوفك تستقبل اضيوفك
******
يا جنت اغلى و اعز من عيناي
اخبرك يا ضمد كلبي وذخر دنياي
هالاطفال يم كبرك اجت وياي
تكلك كوم يا عمنة شربنة الماي
وانة الي هظمني وسلب مني الراي
لطفالك اخذت الماي من اعداي
ناس الاجتنة .. بالطف ولتنة
وسفكوا لهلنة دموم
منهم اخذنة .. الماي و شربنة
نشعر شربنة اهموم
شما تصعب ظروفك
تستقبل اضيوفك
******
اردودي تفرقت عالنهر اطفالك
منهو الي يردنة ويجمع اعيالك
ان جان النوم يا عباس يهدالك
انة الي ارد هالعايلة بدالك
لو اهل المدينة انشدوا عن حالك
شجاوب يالغفيت بحجر اجارك
يظهر جوابي.. بدمعة مصابي
لو ناشدوني الناس
بشهكة مصايب ... الهم اجاوب
راح الكمر عباس
منذر وبكسوفك تستقبل اضيوك