الشاعر : السيد سعيد الصافي الرميثي
إحنه من حقنه ننشد يا زمن
اليا ذنب قطّعوا جبد الحسن
و الجسم وين إندفن
******
يا زمن تدري إشلعبت الأيام
و ما فرح شفنه بس حزن و آلالام
إقضينه دنيتنه إنصارع الظلام
عشنه بين أشرار تبغض الإسلام
ناس ما عدها دين و لا شرف
الخلف ماخذ أطباع من السلف
و هي أسباب الفتن
******
طغمه غايتها إتريد تتجبر
إبحجة الثوره غدت تتستر
و الهدف واضح تنحية حيدر
إلمن إختاروا نعثل و حبتار
الله يلعن سقيفة ساعده
و الله يلعن أميه الحاقده
و اللي سجدت للوثن
******
كتب ما تكفي لو ردت أشرح
هيه مفضومحه إبغير ما أفضح
ناس غداره و لا تظن تربح
و كل إناء إشبيه من صفه ينطح
شجره ملعونه و شتنطي ثمر
بس خيانه و حقد طول الدهر
و حرفت كل السنن
******
عهد ما عنده إبن أبو سفيان
معركة صفين شاهد البرهان
حيلة إبن العاص غاية البهتان
شافت الموقف رفعت القرآن
بالمكر و الخديعه إتميزت
و عله إرقاب العباد إتسلطت
و اروت الشيعه المحن
******
الحسن ما صافح جف بني أميه
و الصلح معروف هدنه وقتيه
مو تنازل جان و ضعف روحيه
لاجن ما عنده أنصار ثوريه
الخوف سيطر عليهم و الطمع
و الضماير صفت مثل السلع
إنباعت بأرخص ثمن
******
إبن أبو سفيان الخائن إبوعده
موقفه بيّن و إنفضح حقده
من دفع سمه إبواسطة جعده
الغدر أبو محمد و إنمرد جبده
هدم ركن الهدايه و الكرم
و خله عهد الصلح تحت القدم
و النوايه إتوضحن
******
بالبقيع إشلون جثته إندفنت
و عن قبر جده المصطفه إنمنعت
الطاوعة مروان عالبغه و ركبت
سببت فتنه و هيه التعرضت
إشلون تتسمه أم المؤمنين
و هذا موقفها ويه الطاهرين
و الجروح الما شفن
play_arrow
play_arrow
play_arrow
play_arrow
play_arrow
play_arrow
تعليقات