لليوم هذا الحزن لليوم - مكتوبة

قصيدة : لـلـيـوم هـذا الـحـزن لـلـيوم

الشاعر : محمدعلي النادب الكربلائي

الرادود : الحاج ملا أحمد الباوي

لـلـيـوم هـذا الـحـزن لـلـيوم...مالوم قلب الوصي مالوم
و  الـزهـره ويـه حـسـيـن...تـهـمـل دمـوع الـعـين
******
بـس الـمصايب شفنه من الأيام...و لو نبجي دم اعله الجره ما ننلام
طـول الـدهر ما فارقتنه الالام...جن الوصي حاضر الليله الضرغام
لـوعـات فـقـد الـحـسـن لوعات...ونات يجذب علي ونات
و زيـنـب تـحـن بـونـيـن...تـهـمـل دمـوع الـعـين
******
مـشـبـوحه لديار النبوه الأنظار...جن الوصي حاضر علي الكرار
ينشد يعباس البطل شنهو الصار...و فاطمه إتشوفه و تهل مدمعها أعبار
مـلـجـوم  إتنادي إبضلع ملجوم ...مسجوم تجري الدمع مسجوم
يـا والـد الـسـبـطـيـن...تـهـمـل دمـوع الـعـيـن
******
ونه  و  نياحه للحسن هالليله ...و جن فاطمه صوت الحزن تشكي له
و حـيـدر يـبـويه يبني ينادي له ...و حسين هذا الخبر هدم حيله
نـاداه يـالـمـجـتـبـه نـاداه...ويـاه قـلـب الإخـو وياه
الـلـيـلـه مـبـانـي الـديـن...تـهـمـل دمـوع الـعين
******
هـالليله  نور  الحسن غاب إهلاله ...و السم مرد قلبه و صبح جتاله
هـالـلـيـله  العيون إبدمع هماله...و زينب عزيزة فاطمه إبيا حاله
يـا  حـيـف إتنادي إبهضم يا حيف...و الضيف منهو بعد للضيف
عـيـن الـكـرم بـونـيـن...تـهـمـل دمـوع الـعـيـن
******
إسـهـام الـمـصايب للحسن صابنه...مخمدن لحظه من دليله الونه
و  الـسـم قـطع جبده و دليله منه...هالليله سبط النبي طبق جفنه
لاويـن يـالـمـجـتـبـه لاويـن...و الـدين يبجي عليك الدين
يــا  خـويـه رايـح ويـن...تـهـمـل دمـوع الـعـيـن
******
هالليله  راح المجتبه عالي الشان...و لن صوت ونه إيصيح يبني و لهفان
أم الـبنين إحضرت ويه الشبان...إتواسي الزجيه و علي داحي البيبان
يـا ريـت عـمـري فـده يـا ريـت ...حنيت لمصيبتك حنيت
مــتـحـيـره بـأمـريـن...تـهـمـل دمـوع الـعـيـن
******
لرض  البقيع اليوم مشبوحه العين...حاضر علي و فاطمه وياها حسين
و زينب و أبو فاضل و إخوته الطيبين ...التشييع أبو محمد إجو متعنين
و الـعـيـن هـمـالـه دم الـعين...و حسين يبجي و يون حسين
زيـنـب تـون صـوبـيـن ...تـهـمـل دمـوع الـعـيـن