قصیدة : كافي يالليالي
كافي يالليالي...ما خليتي غالي
كل الأودهم...سكنوا لحدهم
ما خليتي غالي
******
ليل النوح عالمجروح لو عتّم ظلامه
من يشتاق للأحباب يا ليل الينامه
ابفكري اتدور كل مصباح آهات اليتامه
شفت حسين عالتربان مسلوب العمامه
دمعة نايباتي...ترسم ذكرياتي
يصعب فقدهم...سكنوا لحدهم
ما خليتي غالي
******
ابجفن العين ظل مرسوم طيف الغاضريه
لا و الله ما أنساه تل الزينبيه
تمشي اشلون بالميدان عمتي الهاشميه
صاحت صوت جانه الليل وين أهل الحميه
تتستر بيديها...يا ويلي عليها
المكفولة عدهم...سكنوا لحدهم
ما خليتي غالي
******
ابلا وليان و الصيوان يتلاهب علينه
بين الخيل و الفرسان نتراكض بقينه
وين انروح و العباس مقطوعه يمينه
شفنه احبال و العدوان متحضره السبينه
أصعب محنه باجر...توديع المناحر
يجرح بُعدهم...سكنوا لحدهم
ما خليتي غالي
******
الشايف ضيم مثلي اشلون يتهنه ابحياته
جدي حسين فوق النوق مسبيه بناته
و السجاد يحضر جان من عين الشماته
من يشوف حرمه اتنوح يسترها بعباته
تهضمني رقيه...من اتلوذ بيه
شصبر بعدهم...سكنوا لحدهم
ما خليتي غالي
******
آه الشام يوم الشام هيّج كل ألمنه
إقبال الناس قام يزيد يسأل عن حرمنه
يضرب راس جدي حسين و الموقف هضمنه
ما أنساه بالديوان سب الزهره أمنه
من بعد المهابه...خلونه ابخرابه
أهلي اشيردهم...سكنوا لحدهم
ما خليتي غالي
******
من اتشوف عيني الماي أتذكر ضماهم
لا و الله رمشة عين فكري ما نساهم
روحي اتزور عاشوراء و اتطوف بسماهم
و اتمنيت وقت الموت أتواره بثراهم
الكون ابعيني أظلم...كل عمري محرم
الوفّوا وعدهم...سكنوا لحدهم
ما خليتي غالي
play_arrow
play_arrow
play_arrow
play_arrow
play_arrow
play_arrow
تعليقات