مظلومه بنت حيدر - مكتوبة

قصيدة : مـظـلـومـه  بـت حـيـدر عـلـي

للشاعر : نجم الصراف الكاظمي

الرادود : الحاج ملا جلیل الکربلائی

مـظـلـومـه  بـت حـيـدر عـلـي... زيـنـب زيـنب
بــالــغـربـه مـا عـدهـا ولـي ...زيـنـب زيـنـب
******
زينب إتنادي ...يا وصي الهادي... يا من جنت وكت الشدد ذخري
إبكربله تعلم... من تجاره الدم... و قطعوا جفوف اللي كفل خدري
مـا  تـدلـيـنـي ...مـنهو يحميني ...غربان أميه إتهدده القبري
كـسـروا جـنـحـي ...و هـيـجوا جرحي... ميته و يدري
صـعـبـه  الـعـقـيـلـه تـنـولـي... زيـنـب زيـنب
بــالــغـربـه مـا عـدهـا ولـي... زيـنـب زيـنـب
******
أدري  يـا  حـيـدر... بالشدد تحضر ...و الينتخيك إبحق تلبي له
و آنـه نـاجـيـتك ...بويه يا ريتك... تحرسني و المرقد تباري له
تـدري ظلامي... الحرقوا إخيامي... إتحاوط مقامي إبصبحه و بليله
و  كـتبت  أعدانه... إبصحني و أركانه... المرقد يزينب لازم إنزيله
تــقـبـل  يـنـادونـي إرحـلـي ... زيـنـب زيـنـب
بــالــغـربـه مـا عـدهـا ولـي... زيـنـب زيـنـب
******
جـان أبـو فاضل ...حارس و كافل... و بعهده محد شاهد إخيالي
الـيوم  أنا إبحيره ...و ريت أبو الغيره... عباس أخويه إيشاهد الحالي
مـا أظـن يـقـدر ...قلبه يتصبر... لو عينه شافت مرقدي الخالي
إجـفـوفه ترويني... و روحه تسقيني... و عالقبه يرفع بيرغه العالي
مـا  يـرضـه حـتـمـاً كـافـلـي... زيـنـب زيـنـب
بــالــغـربـه مـا عـدهـا ولـي... زيـنـب زيـنـب
******
مـنـك إبزغري ...إتعلمت صبري... و أعظم درس بمصيبة الزهره
فّـزت وونـت ...و للضلع حنّت ...من غسلتها و إلجمت كسره
و  الله  يـالـغالي ...شفتك إقبالي... قلب الصخر من همك إتفسره
مـا خـنت عهدك ...و إدفنت وحدك... و باقي قبرها مختفي سره
بــســمـا  أظـن تـقـبـل إلـي... زيـنـب زيـنـب
بــالــغـربـه مـا عـدهـا ولـي... زيـنـب زيـنـب
******
زمـن  عـادانـي ...و كلشي راواني... يكفيني بالشامات مدفونه
تـدري  بـالـغـربه... الينفجع قلبه ...يصعب لون وحده يخلونه
قـبـري  يـا كرار... إبدار أميه صار... و إيهددون اللي يزورونه
و  حـاشـه للشيعه... عهدك إتبيعه... و للموت قبري هم يحمونه
صــوت الــمـوالـي يـعـتـلـي... زيـنـب زيـنـب
بــالــغـربـه مـا عـدهـا ولـي... زيـنـب زيـنـب
******
يـا  عـلـي  أنخاك... من تجي وياك... من بذل عالمشرعه إجفوفه
يـا  أعـز  الـناس ...إخبر العباس... زينب تريد الوجهك إتشوفه
لـو  وصـل يـمي ...ينفرج همي ...و ما ظن إخويه المرقد إيعوفه
و مـا يـخـلـيني ...حيرتي إبعيني ...يقصد ضريحي وحده إيطوفه
و هــو الــيـجـاوب سـائـلـي... زيـنـب زيـنـب
بــالــغـربـه مـا عـدهـا ولـي... زيـنـب زيـنـب