من زغرها ربت وياها الجروح - مكتوبة

 الشاعر : السيد سعيد الصافي الرميثي

مـن  زغـرها ربت وياها الجروح      اينوح  حته  الصخر لو رادت تنوح
ايعينها الله اشلون ظلت عندها روح      مـولـحـت امن الدموع اجفونها

احـتزم  وي  زينب يضيمها الدهر     اشـلون  عندها قلب مكور للقهر
مـن  وقع  جافلها خاطرها انكسر      و الـذبـح عـباس يحدي اظعونها

زيـنـب الـجانت عزيزه امدللـه      مـن  بـعـد  ذاك الخدر و المنزله
الـوكـت خـلاها غريبه ابكربله      بـت عـلي و أهل الرده يشتمونها

و زيـنـب الـمـحد شبح لخيالها      مـشـت  لـلكوفه  الشمر يبرالها
قـام  حـتـه  العدو يبجي الحالها      و عـن خـدرها الوادم اينشدونها

عـالـهزل  يا حيف تمشي اميسره      الـمجلس إبن زياد و اعليها اشجره
ويـن  صـار  البطل سبع القنطره      مـا  يـشوف الصوت دمه امتونها