قصیدة : نهتف يا علي
الشاعر : الأديب الحاج جابر الكاظمي
الرادود : الحاج ملا باسم الكربلائی
نهتف يا علي...انت الولي...و بالشدة تحضر
يا فارس مضر...منهو الحضر...يمك يحيدر
منو بقبرك تجسدّ...الوديعة لو محمد...يمك يحيدر
*****
كل مؤمن إذا حان و قرب موعد وفاته...بقبره يا علي تحضر إلـه بساعة مماته
منكر يبدي يسأل منه عن سيرة حياته...يعرض حبك و بولايتك يضمن نجاته
أملاك و بشر...محد قدر...يوصل بيانك
بس رب العله...و سيد المله...عرفوا كيانك
سؤال اللي تردد...الوديعة لو محمد...يمك يحيدر
*****
للمؤمن تجي و تحضر له من ينزل ابقبره...اتهون عالموالي البرزخ تأمنه و تصبره
هاي الليلة جف امصابك القبرك يحفره...منهو اليجيك بلحدك الشخصك يحضره
ترسانة بدر...عجبة القبر...يقدر يضمك
بيمن ترتجي...منهو اليجي...الحفرة يمك
اعله دفنك منهو يشهد...الوديعة لو محمد...يمك يحيدر
هالعالم يجاوب كل شخص عنك ينشده...ما غير الوصي اللي يحضر بساعة الشده
لو دفنوا علي يحضر علي هالليلة عنده...معناها يجي حيدر لعد حيدر بلحده
و اتصيح السمه...مو فاطمه...موجودة يمه
هذا المصطفه...بصدر الوفه...الحيدر يضمه
المحب راد يتأكد...الوديعة لو محمد...يمك يحيدر
*****
انت و فاطمه تتفسر الشمس و ضحاها...تبقه يا علي روح بجسد انت اويه طاها
يا نفس النبي روح النبي كل محتواها...يعني بحفرتك جسم النبي اتوسد ثراها
فقدك يالوصي...ما تنحصي...اهموم النوايب
بمهجة كل وفي...ما تنطفي...نار المصايب
جوابك ما تحدد...الوديعة لو محمد...يمك يحيدر
*****
بدر العصمة هاي الليلة مصيوب بمصابك...شمس المعرفة غابت يبو حسين بغيابك
يا من ساجد و دم هامتك أصبح خضابك...ما يمطر دمع دم و جمر يمطر سحابك
يا من لوعتك...و امصيبتك...تفني الرواسي
جلمود الصخر...منها انفطر...هاي المآسي
جوابك النه مسند...الوديعة لو محمد...يمك يحيدر
*****
بلوح القدرة دمعات القلم تركت علامه...آيات الجلالة شيعت أصل الإمامه
تعناك العوالم و الوجود اشتد ظلامه...يا وسفه بلحد تتواره يا ريف اليتامه
هالليلة السنن...يا با الحسن...أمست كئيبة
بركان الغضه...يالمرتضه...اتفجر لهيبه
ضمير الحق تنشّد...الوديعة لو محمد...يمك يحيدر
لو أدري الدمع يطفي و يخمد مني ناري...جان أنحب إلك يا با الحسن ليلي و نهاري
يالدمعي مثل دمك يظل عالوجنة جاري...اختاريت الحزن و اعله الحزن تم اختياري
هالكون الرحب...من النحب...فاقت سماءه
من دمع الحزن...جرح الجفن...سالت دماءه
هتف قلبي و تنهّد...الوديعة لو محمد...يمك يحيدر
play_arrow
play_arrow
play_arrow
play_arrow
play_arrow
play_arrow
تعليقات