قصيدة : نوحي على الأولاد
الشاعر : المرحوم ملأ علي بن فايز
الرادود : الحاج ملا باسم الكربلائی
نوحي على الأولاد يا زهره الحزينه
في كربلا واحد او واحد في المدينه
******
نوحي على الأولاد يا زهره الحزينه
في كربلا واحد او واحد في المدينه
مات الحسن و انهدم سور الهاشميه
هذي المدارس أصبحت بعده خليه
******
وإنتي يا زهره بالصفايح مختفيه
ليتج يا زهره جنتي يمه او تنظرينه
يجذب الونه او ينظر ابعينه يتاماه
واحسين عنده ينتحب وايصيح ويلاه
******
ليتج تشوفينه يودع جملة ابناه
واحسين يبجي و الدموع ابمقل عينه
نوحي على الأولاد يا زهره الحزينه
في كربلا واحد او واحد في المدينه
******
نوحي على الأولاد يا زهره الحزينه
في كربلا واحد او واحد في المدينه
ليتج تشوفين الحسن في صدر الحسين
امسند له ابصدره و يجري مدمع العين
******
و الكل منهم قابض الثاني بالإيدين
و ايكول أمر كونه الباري علينه
وحسين ينادي عيشتي كشره بلياك
ايذوب قلبي لا بجت حولي يتاماك
******
خذني يخويه بالكبر باروح وياك
ترى عضيدك فرقوا بينك وبينه
نوحي على الأولاد يا زهره الحزينه
في كربلا واحد او واحد في المدينه
******
نوحي على الأولاد يا زهره الحزينه
في كربلا واحد او واحد في المدينه
ويلاه يوم حسين ودع للشفيه
وناده يخويه شمتت العدوان بيه
******
انته برض طيبه و انا بالغاضريه
اوليتج جمعتي هالشمل آيا الحنينه
اتفركوا عنج و صار الشمل تبديد
من جعده واحد كضه واحد كضه من يزيد
******
واحد دفن عندج او واحد عنج ابعيد
كبر الحسن عندج و اكبر حسين وينه
نوحي على الأولاد يا زهره الحزينه
في كربلا واحد او واحد في المدينه
******
نوحي على الأولاد يا زهره الحزينه
في كربلا واحد او واحد في المدينه
play_arrow
play_arrow
play_arrow
play_arrow
play_arrow
play_arrow
تعليقات