قصيدة : يالغايب و لا غـايب
للشاعر : السيد عبد الخالق المحنّه
الرادود : الحاج ملا باسم الكربلائي
مـلايـيـن إعـلـه قـبر حسين تتجمع
تـنـادي يـا حـسـيـن و تهمل المدمع
لاجـن بـالـبـقـيـع الـمحب يتروع
عـلـى قـبـر الـحـسن دلالي يتقطع
لو قبر الحسن بالطف ... فلا صارت مصيبه
قبره بين أبو فاضل ... و أبو الأكبر حبيبه
يـالـرافـع شـعارك... ما تشهر فقارك
******
يـمـهـديـنـه لـون الـكـربله إتعنه
عـلـيـل حـسـيـن قبره إهناك أتمنه
أزور الـبـاقـر إبـحـسـراتـي و الونه
يـا لـم الـشـمـل يـا يـوم أشوفنه
حـتـه لو علي و إبنه... لبو الأكبر نجيبه
و إنـجيب الحسن يمهم... تظل زينب غريبه
يـالـمـبـعـد نهارك... ما تشهر فقارك
******
حـلـمـنه إويه الجرح يالمهدي ظل يكبر
لـون يـم إبـن جـعـفـر يندفن جعفر
يـمـهـدي مـن نـجي البغداد نتحسر
نـريـد إنـزور أبـو الكاظم و لا نقدر
لـو بالكاظميه أنظر ... لبو الكاظم مناره
و أنـظـر شيعته إتأدي... مراسيم الزياره
يـالـمـهـدومه دارك... ما تشهر فقارك
******
تـظـل حـسـره يمهدي و هاي معروفه
قـبـر أم الـبـنـيـن إبـكربله إنشوفه
هـاي أم الـذي عـالـمـشرعه إجفوفه
هـاي الـظـلـت إعـله حسين ملهوفه
و إتـنادي يبو الأكبر ... إلك فدوه بنيني
أفـديـك أربـعـه يبني... إذا سالم تجيني
مـقـبـولـه إعتذارك... ما تشهر فقارك
play_arrow
play_arrow
play_arrow
play_arrow
play_arrow
play_arrow
تعليقات