يا حيدر هتفنه - مكتوبة

الشاعر : السيد عبد الخالق المحنّه

يا حيدر هتفنه...هالخدمه شرفنه
يا حيدر عهد الآخر نفس...ما نترك حسين
******
يا علي بضلع الزجية نقسم و غالي قسمنه
حته لو قطعوا ايدينه احنه ما يوقع علمنه
احنه اعله الخدمه ربينه و بقلب صافي خدمنه
خدام وقعّنه العهد...يا بالحسن من المهد
ما نترك الزهره أبد...و الضلع يجري اويه دمنه
لا ما تطفه ناره...بقلوب الغياره
مسمار الضلع عايش يظل...و اتحمله كل عين
******
احنه أصحاب المواقف و الرجوله اتعيش بينه
و خدمة الزهرة و ابنها تاج و امفصل علينه
الدنيه يتغير طبعها و احنه بس احنه البقينه
شفناها دورات الزمن...شفنه الظلم شفنه المحن
و احنه فلا نخضع لأن...راية حسينك بيدينه
مرفوعه الشعائر...بسيوف المنابر
هالمنبر شهر سيف الشرف...وين الخصم وين
******
احنه نخدم كل خدمكم و المهم تبقه القضية
و احنه مكتوب بدمانه رافضية رافضية
يا علي و هاليوم نحيي هالليالي الفاطمية
ملهوفة شيعتكم اجت...عالموت تتعمد مشت
من كل مكان اتجمعت...تنصر الزهرة الزجية
كل خطوة برساله...لأصحاب الضلاله
كلمة رافضي وحده تظل...ما صارت اثنين
******
احنه من نعشق انوافي هاي معروفة بطبعنه
مره نحجيها بجرحنه و مره نحجيها بدمعنه
اشما تفرقنه النوايب يا علي حبكم جمعنه
تجمعنه كلمة يا علي...انصيح بس حيدر ولي
هو الحبيب الأولي...و غيره يا حب النفعنه
من نعشق نوافي...مره و قلنه كافي
و أطباع العشق مره العشق...ما يقبل اثنين