ياسجاد علي - مكتوبة

قصیدة : يا سجاد علي

الشاعر : ناظم الحاشي

 الرادود : الحاج ملا جلیل الکربلائي 

يا سجاد علي...قوم يا عمه الخيم حرقوها

******
قوم يا عمه انذبح سبط الرسول...خيلهم داست صدر روح البتول
و الجبال من الأرض رادت تزول...قوم صاحوا طاح ابن فحل الفحول
واويلاه علي...الجثة من راس السبط فصلوها
******
شوف عمك لا يسار و لا يمين...و آل هاشم كلها مقطوعه الوتين
و الأنصار اعله التراب امقطعين...اتصيح يا عمه يزين العابدين
دم الأنصار نزف...روسهم برماحهم رفعوها
******
روس هاشم و الأنصار اعله الرماح...قوم شوف الدين بالطف مستباح
و الكفيل اعله النهر يا عمه طاح...قوم بعد اليوم ما ظن تستراح
حرق الخيام شهد...و إيد عمتك بالحبل شّدوها
******
عمه قوم انروح يم المشرعه...للكفيل الغالي خل انودعه
عني حته الموت ما ظن يمنعه...انغطي جثته العلتراب امقطعه
قله يا عين علي...عين سكنه بسوطهم ضربوها
******
عين زينب قله ما مرها المنام...عالهزل صعدت بعد ذاك المقام
ابلا عشيرة و لا أنصار و لا عمام...يا حرس خيمتها حرقوا هالخيام
و الشمر صار حرس...بصوت العالي العمتك شتموها
******
يم جسد عباس من طاح العليل...شوف عين أختك عليك ابدم تسيل
قوم شوف السبي و لوعات الرحيل...يا كفيلي اليوم صرنه ابلا كفيل
جسمه عالقاع رجف...من سمع زينب سبية أخذوها