ياعباس فقدك هضمنا ياعباس حرقوا خيمنا - مكتوبة

قصيدة : ياعباس فقدك هضمنا
الشاعر : جابر الكاظمي

الرادود : الحاج ملا باسم الکربلائي
 المناسبة : رثاء ابو الفضل العباس ع

ياعباس فقدك هضمنه
ياعباس حرقوا خيمنه
******
اجيتك والدمع يهمل
يتخطى على الجمر جدمي
وصلت الشاطي لن يمّي
اشوفنك جسد مرمي
صريع مخضب ومرمي
صحت من لوعتي وهمي
يعباس محد رحمنه
يعباس حرقو خيمنا
******
لفيت وروحي شجّاية
جبت احزاني ويايه
اصد للعلقمي ومايه
صحت من ضيم دنيايه
ياخوية بطيحة الرايه
لفتنه الخيل عَـنَّايه
ياعباس محد رحمنه
ياعباس حرگوا خيمنه
ياعباس فگدك هضمنه
******
جنت بحماك مهيوبه
صرت مهضومه مرعوبه
اصد للجثث مسلوبه
ضحايه بدمهة مخضوبه
وخيمنة اصبحت منهوبة
بلهيب النار منشوبه
ياعباس ذبحوا زلمنه
ياعباس حركو خيمنه
ياعباس فكدك هضمنه
******
اصيح بحسرة وبلهفة
يابو فاضل الف وسفه
يمينك ينقطع جفة
ووريدك ما وقف نزفه
ياخوية وحالتك كلفه
كلف مصرعك شنوصفه
ياعباس بطيحة علمنه
ياعباس حرقو خيمنه
ياعباس فقدك هضمنه
******
صعب فرقاك يا الوالي
عفتني بحيرت عيالي
ياخوية شيجمع اطفالي
انوحن والدمع هالي
عَليّه الضيم متوالي
ومرار الدهر يبرالي
ياعباس خصمك ظلمنه
ياعباس حرقوا خيمنه
ياعباس فقدك هضمنه
******
ياخويه من شفت جسمك
صريع مخضب بدمك
صحت ريت انذبح يمك
يلن ما ينحمل همك
وذر عالقاع شيلمك
على جروحي انطبع رسمك
يا عباس هايج ألمنه
يا عباس حرقوا خيمنه
ياعباس فقدك هضمنه