القصيدة : ياغيرة الله
الشاعر : عمار هليل الواسطي
الرادود : الحاج ملا باسم الكربلائي
المناسبة : ليلة ١٦ جمادى الأول ١٤٣٩هـ الفاو
طور : الناس صنفان
يا غيرة الله
يا صاحب الثار و للثأر بقيه
يا غيرة الله
انت المعزى في الليالي الفاطمية
******
جم مره ضلعك ينكسر
من فاطمة لهذا اليوم
عيونك نشف بيها الدمع
هسه الدمع بس دموم
مظلومة ماتت فاطمه
و الثار هم ظل مظلوم
قلبك جرح حاظن جرح
حتى النبض بي ملجوم
يا حجة الله
هذا هوان الامر في الدنيا الدنيه
يا غيرة الله
انت المعزى في الليالي الفاطمية
******
يا باب للرحمه و خفت
لمن قلت كلمة باب
خافن تلجمك سيدي
و الذكره مليانه مصاب
دفعوها بس ربك ستر
نور العرش صار حجاب
و عيون اشباه الزلم
باجر يتانيها حساب
قد اغضب الله
من اغضب الزهراء في تلك الرزيه
يا غيرة الله
انت المعزى في الليالي الفاطمية
******
يا موقف اكثر عذبك
من الجره اعليها وصار
من تسمع برض الضلع
لو من نبت بي بسمار
لو بيت جدك و العده
يم عتبته شعلت نار
لو سطرة الخد لو اظن
من طاح ابن الكرار
فالحزن والله
اجرى دما تلك العيون الحيدرية
يا غيرة الله
انت المعزى في الليالي الفاطمية
******
شيصير قلبك هالوكت
من المواجع و الاه
من صوتي يصرخ فاطمة
صوتك يرد واويلاه
خطيت الك عهد الدمع
ثار الضلع ما انساه
اترقبك تظهر لأن
فات الصبر خلقي وياه
و الامر لله
حتى اوان طلعة الحق البهية
يا غيرة الله
أنت المعزى في الليالي الفاطمية
******
مولاي اندب كل وكت
اسأل ردت عالمضمون
هل قذيت عينٌ قِلت
حتى ابجي هالليلة عيون
شيب قلب حتى الطفل
بهذا المصاب و ميهون
حسرة سؤال الحظرتك
موﻻي جا انته شلون
بالدمع و الاه
عشت سنينا ام جروحا مهدويه
يا غيرة الله
انت المعزى في الليالي الفاطمية
******
يالمهدي اكتبلك عهد
هم اني هم هاي الناس
وفايه الكل طول العمر
غيرة و حميه و نوماس
اخذنه الدرس من كربله
و جان المدرس عباس
تظهر و ثار ام الحسن
يرجع و ازورك مقياس
و كيف انساه
و الثأر للاحرار مصداق الهويه
يا غيرة الله
انت المعزى في الليالي الفاطمية
******
الله اليعوض غيبتك
و يجازي تعبك موﻻي
يعظم اجرك سيدي
يا مهجتي و يا رجاوي
تسمحلي اكابر عالصبر
بس البعد صار هواي
اقسم عليك بفاطمه
تقبلني خادم وفاي
للصبر مغزاه
و انته للصبر كتبت الابجدية
يا غيرة الله
انت المعزى في الليالي الفاطمية
play_arrow
play_arrow
play_arrow
play_arrow
play_arrow
play_arrow
تعليقات