ملف صوتی لون رجلي وأديه اتكطعن مني أجي الكبرك زحف يحسين متعني بصوت جليل الكربلائي

الشاعر : الأديب الحاج جابر الكاظمي

لـون رجـلـي و اديـه اتقطعن مني      أجـي الـقـبرك زحف يحسين متعني
******
يـا  آنـه  و حياتي و كل هلي نفداك      و  يـا جـار العشت زهوة عمر وياك
عـقبك  طفه اصبي عيني ابسهم فرقاك      و  أيـامـي غـدن بـالـهم يقودني
******
عـقـب  ما جنت يمك عايش اسنيني      صـرت  أتـأمـلـك بالطيف تلفيني
أنـا  جـارك يـبـو السجاد تدريني      و  حـق الـجـار عالجار ابحكم ظني
******
جـاورتـك  جوار الجسم ويه الروح      لـو راح الـجسم وياه روحي اتروح
غـصب عنك مشيت و رافقاني النوح      و مـحـنـي هـضـم فـرقاك محني
******
حـالـي  حال يصعب عالبشر وصفه      صـرت مـثل الغريج الما وصل جرفه
أون  ون الـحـفـر بـيده قبر ولفه      أشـاجـف عـن ونيني و ما نفع وني
******
كـل  مـكـسور لابد ينجبر كسره      لـجـن كـسر القلب يحسين شيجبره
يـهـيـج الـولـم لمن أذكر الحضره      و ضـريـح البيه عايش من زغر سني
******
حـسـبـات الـلـيالي اتيتم الخاطر      أعـد نـجمه اعله نجمه و الجفن ساهر
و  أذكـر حـضرتك و المرقد الطاهر      و حـسـبـاتـي يـودنـي و يجيبني
******
أصـبـر زرع عـمري الذبلت أثماره      لابـد مـا يـجـيـك الغيم بأمطاره
لابـد  مـا يـعـود الـطير لوكاره      و أجـي القبرك و أصيح اشغيبك عني
******
اشـتظن  تسوه  حياتي ابفرقتك يحسين      اشتظن مثلك ولف تلقه و تشوف العين
و  حـقك رغم هالدنيه و مرامي البين      أرد لـك لـون جـمـراتـي يـمشني