نار الباب (مكتوبة) - باسم الكربلائي

 

 

نار الباب تسأل قالع الباب
چانوا وين ؟ عن الباب الأصحاب

ينار الباب اوضحلچ حقيقه
قليله التندل الحق او طريقه
مُحمد بس علي يُحسب صديقه
لو ما سيفي چا طفوا بريقه
ذو الفقار ياما ذل الركاب
اوروس اكبار لبدت جوه التراب

چنت ظهر النبوه ابكل الايام
واصيرإلها درع بوجوه الإسهام
بخديجه وذو الفقاري قام الاسلام
ينار الچلمه هاذي تاذي الازلام
العقله ازغير يحسد عقل الألباب
إيحلمون ذوله ابدولة أرهاب

ينار الصحبه مو بس سولف اوروح
اشحلاة الصحبه إذا صاحبها مملوح
مو اي واحد ايطيبها الجروح
أكو ايصاحب نبي ويطلع الروح
مو اصحاب چنهم زمرت اذياب
ما يسوون مني چلمة أعتاب

بعد عندي حقائق عنهم اهواي
امن اضهضب چانوا ايغصون بالماي
وبوكت الحرب ما چانوا اوياي
التمرجل هسه چان ايدور افياي
خايف جان يرجف من الكراب
چانوا وين ؟ بالكلفات غياب

طبعهم جاهلي ما لحظه عافو
ماگسرو صنم بس ظلعي گسروه
ما أتعجب امن البينه سووه
لان باب الإمامه بابي حرگوه
والغايه تظل امدنگه الاحباب
ويصيرون همه قادة أحزاب

اعلى بابي اتعاونوا شمات ونذال
اوخيبر يمّه محد صار رجال
علي آنه علي وبكل الاحوال
راس الشهر كلها أتاني الهلال
من هليت صاحت ام الكتاب
كلها أطيح لو فليت النگاب

ينار آخر كلامي الحرگوا الدار
مخلوقين من النار للنار
فكرهم يختلف عن فكر الاحرار
خيانتهم جرح سولفها بسمار
نيتهم انموت ابيوم المصاب
ما يدرون يمي يوم الحساب

 

للشاعر : سليم الغزالي