هاي الادوار 2 (مكتوبة) - باسم الكربلائي
منذ ١٣ سنة٤٠١مشاهده
قصیدة : هـاي الأدوار عـشناها
الشاعر : الأديب الحاج جابر الكاظمي
الرادود : الحاج ملا باسم الكربلائی
هـاي الأدوار عـشناها ..... و إقبال العين شفناها
اشــلــون الــتــاريـخ يـنـسـاهـا
*****
مـن مـنـطـلـق حكم الوعي الموقف الأمه انتابع
نـحـجـي بصراحه و معرفه و خل يسمع الما سامع
لـيـش ابـن عـم الـمصطفه مغصوب رايح ايبايع
و انـشـوف حـيـدر يـا سبب سلم الأمر الواقع
و نسأل و انشوف معناها ..... هالحاله اشجان مغزاها
اشــلــون الــتــاريـخ يـنـسـاهـا
*****
تـاريـخ حـيـدر مـتـضـح حكم المعالم يظهر
لـلـديـن رافـع رايـتـه و هالرايه صارت محور
و الـنـكـر خـل يـنشد بدر و النهروان و خيبر
و الـنـوب ينشد عالسبب ليش انغصب حق حيدر
اعـهـود الإسـلام وفـاها ..... ويه المختار أداها
اشــلــون الــتــاريـخ يـنـسـاهـا
*****
راح الـرسـول الـمـصطفه و ابتدت هاي الشده
أمـتـه بـجـانب أصبحت و حيدر ابجانب وحده
و مـن بـعـد ما شاف الوضع شاهد الوادم ضده
سـلـم أمـوره لـلـصـبـر غير الصبر ما عنده
صـورة إحـساس راواها ..... هي التختار خلاها
اشــلــون الــتــاريـخ يـنـسـاهـا
*****
بـيـن الـتـهـاون و الجهل موقف الناس اتوضح
و حـيـدر يـفـكر بالوضع للدين يا هي الأصلح
يـعـلـن الـثـوره اعله الفتن و لو بالصبر يتسلح
اتـفـحـص جوانب موقفه شاف الظرف ما يسمح
لـلناس إبليس أغواها ..... و عن فعل الخير أعماها
اشــلــون الــتــاريـخ يـنـسـاهـا
*****
حـيـدر تـمـسـك بـالصبر ايريد الهدف يتجسد
مـو لـلـخـلافـه غـايـته تفكيره أعمق و أبعد
ايـفـكـر ابـديـنـه و أمـته ايريد العدل يتأيد
و راعـي الـمـبـادي بـالـصبر يتمسك و يتقيد
لـهـداف الـدين يرعاها ..... بجلمة إخلاص ناداها
اشــلــون الــتــاريـخ يـنـسـاهـا
*****
دور الـثـلاثـه مـن مـضـه طلعوا الناس ابلهفه
صـاحـوا ادركـنـه يـا علي و الحال إنته اتعرفه
انـسـلـمـك مـقاليد الحكم و يا تاج أهل العفه
مـا غـيـرك الـيـجـمـع شمل هالوادم المختلفه
اتـعنت و الشووم وياها ..... حيدر ما جان يرضاها
اشــلــون الــتــاريـخ يـنـسـاهـا
*****
ابـدور الـخـلافـة المرتضه و زادت النوب أتعابه
اتـحـمـل مـتـاعب أمته و حاسب ابهاي إحسابه
و عـقـب الـسـنـين المؤلمه و سيف المظالم صابه
وودع الـدنـيـه الـفـانـيه و استشهد ابمحرابه
هـاي الآلام عـاناها ..... و أصعب أدوار قاساها
اشــلــون الــتــاريـخ يـنـسـاهـا
التعلیقات