طحت يا حسين (مكتوبة) - السيد وليد المزيدي

قصیدة : طـحـت يحسين بالحومه

الشاعر : المرحوم الدكتور الشيخ أحمد الوائلي

الرادود : الحاج ملا السيد ولید المزیدي

طـحـت يحسين بالحومه و خيمتنه عمدها طاح
عـقبك ما نشف دمعي و لا يرضه القلب يرتاح
******
لا يـرضـه القلب ينسه و لا ترضه لعيون اتنام
ولا طـيـفـك يـفـارقني و لا تنسيني الأيام
و  حتشه ساكن ابروحي و دمع ما ينقطع سجام
وونـين  أهلك  يذوبني و يهزني من ليتام اصياح
******
إنـجـان اتـريدني أنسه و أبطل النوح واونينني
إخـذ ذكراك من قلبي و إخذ صورتك من عيني
أيـام الـجـنـت ويـاك أنـاغيك و تناغيني
اشـبـيـدي  عايشه وياي من ذيج ليام اشباح
******
عـمـر  ما  فارقيتك بيه تذكر يوم إحنه اصغار
مـن حـضن أمنه الزهره الجوانح حيدر الكرار
عـيني  اتبحر  ابوجهك وروحي اوياك ليل انهار
بس مهدك بعيني نورك و صوتك بالسمع صداح
******
يـا  ثـغـر  الرضعت اوياه الخوه من ثدايا أمي
و  يـا  وجـهه العله ملقاه يزول و ينجلي همي
و  يـا جـسم الذي برداه ريحة والدي و عمي
و يا عشرة عمر راحت و كل عمري عقبها راح
******
يـا  تـالـي هـلـي يحسين ما تنشد بعد عني
يـا ضـيـهـا الـذي بالعين يصبيها وقع مني
لا  غـيـر لهدوم السود و لا يضخك بعد سني
إنـجان إنته رحت يحسين حزنك بالقلب ما راح
******
جنت  من أبجي ما تقبل تنشف اعيوني من اتسيل
و عـن الحر تظلل لي و صوب الشمس ليه اتميل
اشـلـون يـا خـويه أشوفك عالرمال اجتيل
و لا أقدر أظلل لك و جسمك بس سمر و ارماح
******
مـضـت  أيـامنه يحسين طواها الزمن يبن أمي
صـدق هـاليوم أشوفنك وحيد و كثرت همي
و  أشوف أيتام كلها اتصيح وينه والدي و عمي
و تـاليها عفت جسمك فوق الرمح راسك لاح