Loading...
قصيدة : شالو نعشها وين عباس
للشاعر : سيد آدم الحسني
الرادود : الحاج ملا باسم الكربلائي
شهادة السيدة زينب ١٥ رجب ١٤٣٩هـ
حسينية الحاج داود العاشور _ البصره
شالوا نعشها وينه عباس
شالوا نعشها وينه عباس
******
ماتت غريبه ودمعه بالعين
آخر نفس وتنادي يحسين
وين الكفلها ماحضر وين
اخوتها ماكو بزحمة الناس
******
بس العليل اويَه اليشيعون
عباس وينه وجعفر وعون
الدفنة اختهم مايحضرون
بحسرتها ماتت ام الأحساس
******
تتمنى چانت أربع بدور
تحمل جسد نعش من نور
تدخل عزیزه الوادي الگبور
بهیبة اهلها رافعه الراس
******
نحلانه لو مسها الهوه تمیل
لآخر نفس والمدمع یسیل
وسط الگلب چم نایبه تشیل
کاتلها صدر حسین ینداس
******
أمست بعیده بغربة الشام
تحت الثری بت حیدر تنام
هاي العزيزه والله ايام
تموت بقهر من فعل الأرجاس
******
رادت أخوها حسين موجود
ظلت عليه بالمدمع تجود
منتظرة بلكت هالمسه يعود
بثگل الجبل حسرتها تنقاس
******
كاسر گلبها ثگل المصاب
اليوم الحبيبه تحت التراب
محد وصلها من الأحباب
امست وحيده ابلايه حراس
******
الله الیعنیك زین العباد
بالطف دفنها کل الاجساد
هاللیله نفس الموقف انعاد
زینب دفنها بضیق الانفاس
التعلیقات