سلامات (مكتوبة) - باسم الكربلائي
قصيدة : سلامات
️الشاعر : السيد عبد الخالق المحنة
طور : أويلاه
المناسبة : استشهاد الرسول ص/ليلة 26 صفر 1440 ھ
حسينية هيئة الصديقة الطاهرة_ الديوانية
سلامات ليش المدينة مظلمة
سلامات شنهي المصيبة القادمة
كل شي متغير ولا يشبه قبل
يا ترى مات محمد او قتل
*****
هذا واقع لو خيال
قتلى بس ماكو قتال ..حيرتني
كل شي بالدنيا اختلاف
حتى من اسال اخاف...خوفتني
هي سكته من تصير
يعني مذبوح الضمير..حذرتني
هو ميت لو قتيل
من يطالب بالدليل..جاوبتني
براهين..موجودة ضد الناصبي
براهين...وال خطط لقتل النبي
بالادلة الصارخة ولتنقبل
يا ترى مات محمد او قتل
*****
آني للمسجد اروح
واعرف القصة بوضوح..هالأليمة
تالي للمسجد اجيت
چم صنم گاعد لقيت.. يا هظيمة
والچبير بلا اصول
مستحل كرسي الرسول ...بالجريمة
شايعوه وبايعوه
بالجريمة شاركوه..يا حريمه
يا هالناس..هذا المكان لحيدره
يا هالناس..واقعنا شنهي لغيره
والعُذر قالوا امامك معتزل
يا ترى مات محمد او قتل
*****
وضحت القصة اكيد
والنبي ميت شهيد..إيه دريته
وينه حماي الدخيل
هو للمرسل بديل..ما لقيته
واسالت يالحاضرين
وين امير المؤمنين..وينه بيته
خايف ومسرع مشيت
واني وياه التقيت..واعتنيته
يا بو حسين ...شو للمصايب مستعد
يا بو حسين...وين الفقار بيا غمد
انت قالع خيبر يلزمك حبل
يا ترى مات محمد او قتل
*****
يا خالق هذا الامير
بيا ذنب صاير اسير..آلمتني
ساعة لن شفت البتول
يا علي ارجع تقول ..شيبتني
فاطمة تمشي وتطيح
خلوا ابن عمي تصيح..عذبتني
لو دعت رب العباد
توقع السبعة الشداد..طمنتني
بالسياط...قنفذ ضربها على الضلع
بالسياط...حبل الصبر ما ينقطع
يا علي بباب النبي ميت طفل
يا ترى مات محمد او قتل
*****
هي صرخة من الصميم
طفحت بعين اليتيم..يا محمد
هي ثورة وانقلاب
والصنم مزق كتاب..من تسيّد
واني انظر للدخان
مرتفع وياه الآذان.. والهوا انسد
لا تأذن يا بلال
بالصلاة شدّوا حبال.. الله يشهد
بالآذان...قلبوها وابليس ابتسم
بالآذان...صلّوا سوى خلف الصنم
والمهم كانت تكتف او سبل
يا ترى مات محمد او قتل
*****
برزت انياب الذئاب
من كثر بيها الضباب..والمتاهة
غابة وابليس الامير
والكتاب بلا نصير..آه يا طه
ناشدت وين الجواب
قالوا السكته ثواب..من وراها
شورى والشورى مصير
ماكو بيعة بلا غدير..والرضاها
حرامات...ما غزّر وياهم ملح
حرامات...جازوا محبتك بالجرح
حتماً الجاني بسؤال ينسأل
يا ترى مات محمد او قتل
*****
وابتدى صبر الاسود
لا وصية ولا شهود..يا وصية
لا ذوي القربى تفيد
لا يخافون الوعيد..جاهلية
يا علي وحشة الطريق
وانت تمشي بلا صديق..يا رزية
وانت تتمنى تشوف
بالوغى لمعة سيوف..رافضية
صحت ليش...اهل البداية تأخروا
صحت ليش...وبالاخير تصدروا
احنه نعرفهم ترى وعدنه السجل
يا ترى مات محمد او قتل
التعلیقات