ليلة احزان وعزاء (مكتوبة) - باسم الكربلائي
القصيدة : ليلة أحزان وعزاء
الشاعر : حاتم صبري الكاظمي
الرادود : الحاج ملا باسم الكربلائی
المناسبة : استشهاد امير المؤمنين علي (ع)
الزمن : ليلة 21 رمضان 1440 هـ
المكان : حسينية الحاج داود العاشور
ليلة احزان وعزاء
موكب املاك السماء
نازل يشيع علي
نازل ايشيع علي
******
قل هو رب الخليقة
بصوت قدسي يعتلي
يا ملائكتي ابسمائي
اسمعي قولي الجلي
هالتي النورية منها
على اجناحج احملي
و انزلي ابهيئة مواكب
و شَيِعيّ هسه علي
انتظري هسه بالسمه
خل تجيكم فاطمه
تمشي ما تسرع .. علي
******
يا جلالة نعش ابيض
هالملايك شايله
نعش شايل ريحة الله
بس علي يستاهله
و كأنه و ابخيالي
امر من رب العله
بالنعش ها يا ملائك
خلوا تربة كربله
التراب ايكون بي
من التل الزينبي
صورته اتروع .. علي
******
امغيره السبعة العظيمة
لونها لون الدمه
كلشي يصرخ واعلياً
صرخة جداً مؤلمة
امر رب الكون ميـ
كائيل بأطباق السمه
مد جناحك للحبيبة
خلي تصعد فاطمة
النزلة صعبة ابهالوضع
اهوايه يلجمها الضلع
نازله اترجع .. علي
******
وصلوا الدار ابو الحمله
و الصده القدسي علن
ها يا اسرافيل حضّر
بيدك الحيدر جفن
راح جبرائيل يم
احسين و ادموعه جرّن
مره يرجع بالمدامع
يحضن ابجنحه الجسن
منحني و گلبه جمر
ايدوّر اعله ام الخدر
گلبه متگّطع .. علي
******
اقحوان الحزن عطره
بدمع زينب يختلط
الحور آيات الرزية
اباب بت حيدر تخط
كل ملك نازل يعزي
الزينب بعود السبط
لازم ايمر لبو فاضل
منه يستأذن شرط
بيا علامه ينقبل
يبوس جف ابو الفضل
ابظله و اتودع .. علي
******
شالوا ابعز و ابمهابة
الحيدره ذاكه النعش
من احرورتها المدامع
بالجفن ما ظل رمش
علي هذا الـ عالترايب
صعبة جسمه ينفرش
علي يستاهل اكيدن
مگبره يم العرش
كل موالي امن الشغف
ابگلبه سواله نجف
نور بس ايشع .. علي
التعلیقات