مساء الخير (مكتوبة) - باسم الكربلائي

القصيدة : مسا الخير
الشاعر : احمد الذهبي

الرادود : الحاج ملا باسم الكربلائی
المناسبة : رثاء العليلة (ع)
الزمان : ليلة 3 محرم 1441
المكان : ديوان الكفيل (ع) - لندن

مسا الخير .. على اسمك وانته غايب
مسا الخير .. عليك وعالحابيب
بويه واليوم الشمس
سلمت مو مثل امس
*****
اجت بويه المسيه .. وانه كل بالي يمك
رفعت اثنين اديه .. ودعيت الله يسلمك
اذا بالك عليّه .. عليك ابداعة امك
ردت عطرك هديه .. توديّه حته اشمك
حرب هاي .. منو يوديلي عمرك
حرب هاي .. يمن عمري اعله عمرك
والحرب موت وعرس
سلمت مو مثل امس
*****
على احوالك سؤالي .. يبويه انه الوحيده
يمن ساكن خيالي .. وانه عندك بعيده
صعب و اعرف يغالي .. ولكن شي اريده
اذا طيفك اجاني .. انام انه اعله ايده
ولو طيف .. يجي منك و اشوفه
ولو طيف .. احضنه وما اعوفه
جوّه عيني ينحبس
سلمت مو مثل امس
*****
خفت ابعث كتابي .. و اذا يوصل يعذبك
يالمتعبك غيابي .. بعد ما اريد اتعبك
كتبت انه اعله بابي .. يبويه اشگد احبك
ردت تسمع عتابي .. وتخليني اعله گلبك
اذا جيت .. تجي كل ذكرياتي
اذا جيت .. واشم ريحة خواتي
بويه وتهيد النفس
سلمت مو مثل امس
*****
ردت جيتك ولكن .. شفتها اهوايه صعبة
يمن بعيوني ساكن .. طلب منك اطلبه
اخذهن وي ضواهن .. تراك بديره غربه
اذا مطرت سماهن .. اخذ ميهن و اشربه
شنو عيون .. اذا يرحل دلالي
شنو عيون .. لون ما بيها غالي
بيها رسمك ينعكس
سلمت مو مثل امس
*****
يمن ايدك حمامه .. للموادع شلتها
على جفوفك علامه .. اثر بوسه اتركتها
صدى الليل وظلامه .. يگولون امسحتها
اذا جنت ابسلامه .. وعدل جا ما عفتها
صحت آه .. خفت لا شي جرالك
صحت آه .. يبويه و يا دلالك
بالجرح گمت انه احس
سلمت مو مثل امس
*****
حلم للطف خذاني .. وكأن بعيوني شفتك
نعم شفتك تراني .. ولكن ما عرفتك
ردت اعصر حناني .. واحط ماي اعله شفتك
سهم ماخذ مكاني .. وجرحني بس حظنتك
نهر ماي .. اجيتك وانته ضامي
نهر ماي .. اشوفك وانته دامي
بويه وتسولف همس
سلمت مو مثل امس
*****
تصب عين المشاعر .. دمع كلما اذكرك
حلم بعدك خناجر .. على اعيونا لينظرك
شفت طولك يسافر .. رمح وبراسه نحرك
شفت كلهن حوافر .. مكانتي اعله صدرك
مسا الموت .. عليك وعالشريعة
مسا الموت .. على جفوف الگطيعة
راية الك ما تنتكس
سلمت مو مثل امس