اي يدنيه - فيديو (مكتوبة) - محمد الجنامي
منذ سنتين٩٥٨مشاهده
|1
ليالي شهر محرم الحرام 1445
لطمية اي يدنية مكتوبة
الرادود محمد الجنامي
اي يدينه چم مصيبه
امحظرتها للغريبه
الچانت مدلله هسه اسيره
تدخل امچتفه يوميه ديره
يادنيه كافي من الغدر عذبتي زينب بالزغر
اذيتي هاليتيمه
من الطفوله ويه الدمع عاشت الألم كسر الضلع
يوميه ويهضيمه
اشمنتظره منج بت علي يا دنيه شتاني
مصيوبه و اسهام الهضم واحد وره الثاني
لا راحه شافت لا فرح مجروحه و اتعاني
كل اهلها فارگوها
بالمصايب طوگوها
لا خدر لا حمه حيرتها حيره
تدخل امچتفه يوميه ديره
يا دنيه نحجي ابيا قهر ما شافوا الزينب أثر
تركوا اثر باديها
اسياط وعصي فوك المتن منهو عله زينب يحن
يلحگ على سبيها
چان الخيال العالارض ماواحد يشوفه
تاليها فرجه اصبحت للناس بالكوفه
بت علي و ابديرة علي بحبال مجتوفه
ها يدينه هيجي تالي
للعقيله ماكو والي
يا وسف تنسبي الجانت اميره
تدخل امچتفه يوميه ديره
بت فاطمه ابجفها الحبل يم ابن مرجانه النذل
يا دنيه يا وسافه
وگفت ابديوان الزلم الما شافها حتى ابحلم
هسه وجهها شافه
راس الاخو ابوسط الطشت و ادموعه هماله
ينظر الاخته ابلا خدر و امجتفه اكباله
يا هضمته اسياط الشمر تلعب على اعياله
آه يا زينب يا هضمها
اگبال اخوها من شتمها
دم لجلها يصب رأس أبو الغيره
تدخل امچتفه يوميه ديره
اجروح السبي ماتنحصي عثرات واسياط وعصي
تتصارخ اليتامه
كل ما يجرون الحبل لو طفله توكع لو طفل
وما تنهض بسلامه
راس الحسين اعله الرمح يوكف يحاجيها
و ايكلها طفله من الظعن طاحت الحكيها
و زينب تروح الها ركض تسمع بواجيها
بالصحاري چم يتيمه
صيعتها يا هضيمه
تايها و خايفه و مستجيره
تدخل امچتفه يوميه ديره
زينب وگتها ما نصح بالشام لاكوها ابفرح
و الزينه عالمنازل
فوگاها رميات الحجر صارن مثل زخ المطر
و ويه الرمي هلال
صاحوا سبيه بت علي ليزيد جبناها
مجتوفه تدخل للقصر و الحرم وياها
ثارات نطلب من علي وهاليوم اخذناها
ناده زينب خل تجيني
انظر الها ابهذي عيني
فاجعة بت علي شكد جبيره
تدخل امچتفه يوميه ديره
التعلیقات