ياهلا بزينب (مكتوبة) - محمد بوجباره

 

 

وردة عمري منتظرها
والليلة نشتم عطرها
ياهلا بزينب ياهلا بزينب نور كمرها

هلهل ياثغر ودي وأنثر ياسك بخدي
واضح كلشي بعيونك هليله الفرح وردي

ورد الجوري مر بينه محمول بسنادينه
صلي اعله النبي واله زينب هلت أعلينه

أهلا بالحرة العقلية
أنتي أنتي أعظم وسيلة
ياهلا بزينب ياهلا بزينب نور كمرها

هايه أم الوفه هايه هاي الشالت الراية
هاي أخت الكمر عباس حرة وتبقه وفاية

أم العفة والغيرة بيها تنجلي الحيرة
قلبي وقلبك وياها محتار بتعابيره

زينب بيها تعله راسي
خادم أبقه والهة أواسي
ياهلا بزينب ياهلا بزينب نور كمرها

الهايم بيها ماخاسر يربح بالحشر باجر
والينخاها بالشدة اقسم مايظل حاير

والي رايد أمراده ويحفظ بيته وولادة
لايتحير بهايه ينخه شمعة السادة

كلمن الها يرفع أيده
يأخذ من عدها اليريده
ياهلا بزينب ياهلا بزينب نور كمرها

الحاجة أنريد تكضيها والشدات احضريها
يابت فاطمة ندري كل صعبة تسهليها

السائل ماتريدنه كلشي أيريد تنطينه
لمن يوكع بحيرة يازينب تحضرينه

يوم الشدة ماتقصرين
يسهل كلشي يخت الحسين
ياهلا بزينب ياهلا بزينب نور كمرها